Jylaǵannan ne paıda?!.

Keshegi Olımpıada kúni boks­­shylarymyz úshin sátti bas­­taldy deý qıyn. Buǵan deıin asa aýyr salmaq dáre­je­sinde judyryqtasqan Qam­shybek Qońqabaev jartylaı fınalǵa joldama al­ǵany belgili. Endi medal ala­tyndardyń qataryna tek Sáken Bıbosynov qana qo­syl­dy. Al Zákir Safıýllın óz múmkindigin jiberip aldy. Rıo Olımpıadasynda úsh altyn medal jeńip alǵan О́z­beks­tan quramasynyń jartylaı fınalda bir ǵana boks­shysy qalǵanyn eskersek, qa­­zaqstandyqtardyń jetken je­tis­tigi qanaǵattanarlyq deý­ge bolady.

52 kıloda baq synaǵan Sá­ken Bıbosynov shırek fınalda ıspanııalyq Gabrıel Esko­barmen kezdesip, óte tartysty ótken jekpe-jekte 3:2 ese­bimen jeńisti julyp al­dy. Al 63 kıloǵa deıingi sal­maqta Qazaqstan namysyn qor­ǵaǵan Zákir Safıýllınniń joly bol­mady. Zákir 1/4 fınal­da aýstralııalyq Garrı Garsaıdpen ju­dyryqtasyp, 2:3 esebimen jeńildi. Kezdesýden keıin jer­lesimiz rıngti bosatpaı, tipti qyzyl buryshty ruqsat etil­megen ádispen teýip te jiberdi. Zákirdi jýrnalıster qaýymy birer sózge tartpaq bolyp edik, ol kóz jasyna erik berip kete bardy. Alaıda jylaǵannan ne paıda?! Barlyq kúsh-jigerin rıngte jekpe-jekte kórsetý kerek edi...

Bul dodada grek-rım she­berleri de senimdi aqtamady. Qa­zaqstan quramasy úshin Tokıo Olımpıadasy sátsiz aıaq­­taldy. Keshe el namysyn qorǵaǵan Nursultan Tursynov 87 kılo salmaq dárejesinde beldesti. Germanııalyq Denıs Kýd­lamen ótken beldesý 4:1 esebimen nemis sportshysynyń paıdasyna sheshildi. Beldesý aıaqtalǵannan keıin bas bapker Baqtııar Baıseıitov bul joly da tóreshiler sheshimimen kelispeıtinin jetkizdi.

Erler arasynda 1000 metr qashyqtyq boıynsha V fınalynda synǵa túsken Sergeı men Tımofeı Emelıanovtar tıisti qashyqtyqty 3:32.873 ýaqytta baǵyndyryp, óz tobynda tórtinshi boldy. Dál osyndaı kórsetkishpen aǵaıyndy Emelıanovtar jarysty jalpy qorytyndy boıynsha 12-orynmen aıaqtady.

Kóptiń úmiti bolǵan gımnast Mılad Karımı gımnastıkalyq kerme snarıadynda synǵa túsken bolatyn. Irikteý kezeńi Mılad úshin jap-jaqsy bastalyp edi. Atalǵan jattyǵý boıynsha ol ekinshi orynda turdy. Qýanyp ta qalyp edik. Qazaqstandyq sportshynyń baǵdarlamasy eń qıyn baǵdarlamalar qataryna kirgendikten, ony jasaý ekiniń biriniń qolynan kele bermeıdi. Sondaı úlken táýekelge barǵan Mılad kelesi jattyǵýdy oryndaý barysynda eki ret qulap, upaıy tómendeı berdi. Ol 11,266 upaımen segizinshi oryndy qa­naǵat tutty. Gımnastıkalyq kermedegi jattyǵýda japo­nııa­lyq Daıko Hasımıto (15,066) chempıon atansa, ekinshi oryndy horvatııalyq Tıno Srbıch (14,900) ıelendi, úzdik úshtikti reseılik Nıkıta Nagornyı (14,533) tú­ıindedi.

Sonymen qatar ártis­tik jú­zýden Qazaqstan koman­da­synyń músheleri Ekate­rına jáne Alek­sandra Ne­mıch Olımpııa oıyndaryn aıaqtady. Tehnıkalyq baǵ­darlama qorytyndysy bo­ıyn­sha 83,2338 upaı jınaǵan aǵaıyndy Nemıchter qossaıys nátı­jesimen (167,1005 upaı) 16-orynǵa turaqtady.

Sporttyq quzǵa órmeleýden alǵashqy irikteý synyna qa­tysqan Rıshat Haıbýlın qos­saıys nátıjesi boıynsha 11-oryn­nan kórindi.