Kıno • 04 Tamyz, 2021

«Barymtashylar» Fransııada prokatqa shyqty

31 ret kórsetildi

Qazaq rejısseri Erlan Nurmuhambetov pen japondyq kınematograf Lıza Takeba birigip túsirgen «Barymtashylar. Ýaqyt joldary» fılmi Fransııada áýpirimdep júrip, prokatqa shyqty.

Kınotýyndynyń prodıýseri Iýlııa Kımniń aıtýynsha, Qazaq­stan men Japonııa birlesip tú­sirgen kartına shildeniń so­ńy­nan bastap Fransııanyń 21 qalasynda kórsetilmek. Fılm­niń arnaıy kórsetilimi 29 shilde kúni Parıjdegi Espace Saint Michel kınoteatrynda sa­nı­tarlyq talaptarǵa sáıkes ótti.

– Osy bir jarym jylda qanshama ter tógilip, qanshama jumys atqaryldy. Pandemııaǵa baılanysty Fransııadaǵy tu­saýkeser úsh márte keıinge ysyryldy. Degenmen qıyndyqtarǵa qaramastan, úmitimiz úzilmedi. Fılmniń túsirý toby men akterlerimizdi osy qýanyshpen quttyqtaımyn, – dep jazdy prodıýser óziniń Facebook-tegi paraqshasynda.

«Qazaqfılm» men japon­dyq Tokyo New Cinema kompanııasy atsalysqan fılmde tynysh ómiriniń shyrqyn buzyp, barymtashylar otaǵasyn aıaý­syz óltirgen otbasy týraly baıandalady. Marqumnyń Ol­jas esimdi 12 jasar balasy, barymtashylardyń qolynan mert bolǵan ákesiniń ólimine qaıǵyryp, zulymdyqpen kú­resip, bastaryna túsken taý­qymetti baýyrlarymen birge kó­teredi. Qorǵansyz qalǵan Ol­jastyń otbasyna ǵaıyptan paıda bolyp, qolushyn sozǵan kim? Muny óz kórermenderimiz indet basylyp, kartına prokatqa shyq­­qanda kóre alady.

Fılmde basty rólderdi Kann kınofestıvaliniń úzdik aktrısasy Samal Eslıamova, tanymal qazaqstandyq akter Dýlyǵa Aqmolda men japondyq akter Mıraı Morııama somdaıdy. Ákesin joǵaltqan balanyń rólin Mádı Mınaıdarov esimdi jas akter oınaıdy.

– Japondyqtarmen birge túsirgen fılm álem kıne­ma­to­grafynyń otanynda kór­se­ti­le­tinine qýanyp ta, qobal­jyp ta otyrmyn. Sebebi me­­niń shyǵarmashylyǵymda bul – alǵash­qy qýanyshty ja­ǵ­daı, – dep oıy­­n bólisti fılm­niń teń re­jısseri Erlan Nur­muhambetov.

Aıtqandaı, «Barymtashylar. Ýaqyt joldary» fılmi eń alǵash 2019 jyly Azııadaǵy eń iri kınofestıvaldardyń biri – halyqaralyq Býsan kıno­fes­tıvali sheńberinde kór­se­­tilgen edi. Qazaqstan men Ja­­ponııa birlesip túsirgen týyn­­dy Ońtústik Koreıanyń eń úlken ekrany – Busan Cinema Center or­alyǵynda atalǵan fes­tı­val­di ashqan bolatyn.

Byltyr atalǵan fılm To­kıodaǵy halyqaralyq kınofes­tıval sheńberinde kórsetilip, Japonııada prokatqa shyqty.

Atalmysh kartına elimizde bıylǵy jyldyń sońyna deıin prokatqa shyǵady dep josparlanyp otyr.

 

ALMATY

 

Sońǵy jańalyqtar

Jyl sózi

Álem • Búgin, 20:36

Energetıka – ekonomıka draıveri

Ekonomıka • Búgin, 20:31

Quldyramaıtyn qundylyq

Tanym • Búgin, 20:20

Birjaqty baılam hám batyl baǵdar

Pikir • Búgin, 20:08

Birde-bir shaǵym eskerýsiz qalmaıdy

Qazaqstan • Búgin, 19:55

Býrkına-Faso astanasynda oq atyldy

Álem • Búgin, 19:17

Almatynyń ońtústiginde jer silkindi

Aımaqtar • Búgin, 17:38

Almatyda qurylys krany qulady

Oqıǵa • Búgin, 14:21

Aýǵanstanda jarylys boldy

Álem • Búgin, 12:21

Álemdegi eń úlken muzdyq erip ketti

Ekologııa • Búgin, 11:05

Uqsas jańalyqtar