Oblystyq polısııa departamenti baspasóz qyzmetiniń málimetinshe, karantındik shekteý kezinde toı ótkizetinder áli de azaıar emes.
«Isataı aýdanynda 7 mobıldi top músheleri ár túrli is-shara, toı túrindegi basqosý ótkizgen 15 derekti tirkedi. Naqtysyn aıtqanda, «Loto klýb» keńsesi men 14 turǵyn úıde toı-dýman ótkizilgen. Al, Qyzylqoǵa aýdanynda 6 is-shara men 4 toı ótkeni anyqtaldy. Atyraý qalasyna taıaý ornalasqan Damby aýyldyq okrýginde 1 tamyzda saǵat 19:00 shamasynda «Adına» meıramhanasynda ótip jatqan úılený toıy toqtatyldy», dep habarlady departamenttiń baspasóz qyzmeti.
Karantındik shekteýge qaramastan túrli is-sharalar men toı ótkizgenderge qatysty QR Ákimshilik quqyqbuzýshylyq týraly Kodeksiniń 425-babymen ákimshilik hattama toltyryldy.
