Sanıtarlyq-epıdemııalyq baqylaý departamentiniń basshysy Qanat Turdıev brıfıngte qaýlynyń erejelerin túsindirdi. Ol epıdemııalyq jaǵdaıdy baǵalaý matrısasyna sáıkes 24 shildeden bastap Shyǵys Qazaqstan oblysy «qyzyl aımaqta» ornalasqanyn atap ótti. Pandemııa bastalǵannan beri oblysta 33 myńnan asa jaǵdaı tirkeldi. Koronavırýs ınfeksııasynyń eń kóp taralýy Semeı, О́skemen qalalarynda baıqalǵan. Qazirgi ýaqytta aýrýdyń órshýi jańa «Delta» shtamynyń shyǵýymen, halyqtyń karantın sharalaryn saqtamaýymen baılanysty.
Jańa qaýlyǵa sáıkes oblystyń qalalary men aýdandaryndaǵy qyzmet kórsetý nysandary óz qyzmetin «qyzyl aımaq» úshin kózdelgen krıterııler negizinde júzege asyra bastady. Al óńirde Ashyq jobasyn iske asyrý Qazaqstannyń Bas memlekettik sanıtarlyq dárigeriniń 2021 jylǵy 29 shildedegi qaýlysyna sáıkes júzege asyrylady.
– Osy qaýlymen Ashyq jobasyna qatysatyn nysandar úshin birqatar jeńildik engizildi. Olarǵa demalys jáne mereke kúnderi jumys isteýge ruqsat etildi, – dep atap ótti Q.Turdıev.
Atap aıtqanda, Ashyq jobasyna qatysatyn azyq-túlik emes bazarlarǵa senbi jáne jeksenbi kúnderi saǵat 10.00-den 17.00-ge deıin jumys isteýge ruqsat etilgen. Jobaǵa qatysatyn saýda úılerine senbi jáne jeksenbi kúnderi saǵat 10.00-den 22.00-ge deıin shekteýsiz jumys isteýge ruqsat.
Budan basqa qoǵamdyq tamaqtaný obektilerine, onyń ishinde meıramhanalarǵa, dámhanalarǵa, kofehanalarǵa, jazǵy alańdarǵa, banket zaldaryna saǵat 7.00-den 02.00-ge deıin 50%-dan aspaıtyn, biraq 50-den aspaıtyn orynǵa, jappaı otbasylyq, saltanatty, estelik, salttyq jáne basqa da is-sharalardy ótkizbesten jumys isteýge ruqsat etiledi.
– Uıym qyzmetkerleri vaksına alǵan jaǵdaıda óz qyzmetin qashyqtan jáne oflaın formatynda jumys isteıtin qyzmetkerlerdiń paıyzdyq araqatynasy jónindegi talaptardy eskermeı júzege asyra alady. Bul rette sońǵy 6 aı ishinde Sovid-19-ǵa qarsy vaksınalaýdyń tolyq kýrsyn alǵan qyzmetkerlerge dástúrli rejimde jumys isteýge ruqsat etiledi, – dep atap ótti Q.Turdıev.
Qaýlyǵa sáıkes qalaaralyq, oblysaralyq, oblysishilik turaqty avtobýs, shaǵyn avtobýs jáne ózge de jolaýshylar tasymaldarynyń qozǵalysyna ruqsat etilgen. Qalalar men eldi mekender ishindegi qoǵamdyq kólik demalys jáne mereke kúnderinen basqa barlyq kúnderi jumys isteıdi. Bul kúnderi qoǵamdyq kólik tańǵy saǵat 8.00-den 22.00-ga deıin, sondaı-aq tehnologııalyq prosestiń úzdiksiz sıkli bar kásiporyndardyń qyzmetkerlerin jetkizý úshin saǵat 18.00-den 20.00-ge deıin jumys isteıdi.
«Qyzyl aımaqtaǵy» Ashyq jobasyna qatysýshylar «sary aımaqtyń» sharttary boıynsha jumys isteı alady. Jalpy, ShQO Kásipkerler palatasynyń dırektory Qaırat Mamyrbaevtyń bergen málimetterine súıensek, qazir Ashyq jobasyna eki myńnan asa nysan qatysyp otyr. Olardyń 1 330-dan astamy resmı túrde tirkelgen. 1 700-ge jýyq kásiporyn jobany synaq retinde qatysyp otyr. Aıta keterligi, qatysýshylardy qosýdyń jańa algorıtmine sáıkes QR-kodty alý rásimi jeńildetilgenin atap ótti.
– О́tinim berý úshin InfoKazakhstan.kz saıtyna kirý qajet. Ol úshin elektrondy kiltti paıdalanasyz. Sol jerden «Meniń ótinishterim» bólimin ashyp, ótinish berińiz. Osydan keıin jumysqa ruqsat beretin qujattardyń bolýyn jáne engizilgen derekterdiń jaýapkershiligin rastaý qajet. О́tinimdi jiberip, maquldaǵannan keıin qajetti materıaldardy júktep alý kerek, – dep túsindirdi Q.Mamyrbekov.
Shyǵysta kún saıyn jobaǵa qatysýshylar sany artyp keledi. Qazirgi ýaqytta ótinimderdiń basym bóligi saýda sýbektilerinen kelip túsedi. Sondaı-aq QR-kodty alýǵa memlekettik mekemeler, mektepke deıingi bilim oshaqtary, ónerkásip salasynyń basshylary ótinish bildirgen.
Shyǵys Qazaqstan oblysy
