Is-sharaǵa qazaqstandyq telearnalardyń, jarnama satýshylardyń, salalyq qaýymdastyqtardyń, zertteý kompanııalarynyń ókilderi, sondaı-aq medıa salasynyń sarapshylary qatysty.
Jyl saıyn mınıstrliktiń qoldaýymen ótkizilip kele jatqan medıa ólsheý júıesin jetildirý jumystarynyń aralyq qorytyndysy shyǵaryldy.
Vıse-mınıstr ólsheý panelderiniń ıntegrasııalanýynyń arqasynda 2021 jylǵy mamyrda Mınıstrliktiń saıtynda onlaın-servıs iske qosylǵanyn atap ótti. Atalǵan servıste kez kelgen adam naqty ýaqyt rejıminde tele ólshemderdiń jedel derekterimen tanysa alady.
«Aýyldyq eldi mekenderdi teleólsheýmen qamtý máselesi pysyqtalýda», dedi Kemelbek Oıshybaev.
Konferensııa barysynda QR AQDM birinshi jartyjyldyqta sıfrlyq damý, ınnovasııalar jáne aeroǵarysh ónerkásibi mınıstrligimen birlesip «Sıfrlyq ómir salty – DigitEL» ulttyq jobasyna «aýyldyq eldi mekenderdiń kórermender aýdıtorııasyn medıa ólshemder júıesimen qamtý úshin ólsheý paneliniń bolýy» kórsetkishin jáne oǵan sáıkes «aýyldyq eldi mekenderdiń kórermender aýdıtorııasyn medıa ólshemder júıesimen qamtýdy qamtamasyz etý boıynsha jobany iske asyrý» is-sharasyn engizý máselesi pysyqtalǵany aıtyldy.
Onlaın-konferensııa talqylaý formatynda bolyp, qatysýshylar arasynda ózara kásibı pikirtalas ótti. Teleólshemderdiń qubylmalylyǵy máselesi boıynsha Ekaterına Kocheva (31 arna) sóz sóılep, Lázzat Súıindik («Habar» AQ) teleólsheýler júıesin jetildirýdiń mańyzdylyǵy týraly aıtsa, Dılmýrad Rahımov (International Media Service) medıa-jarnama ındýstrııasyna qatysýshylardyń ózara is-qımylynyń ózekti máselelerin qozǵady. Al Tatıana Starsevaıa (TNS Central Asia) teleólsheýlerdi uıymdastyrý men ótkizýdiń aǵymdaǵy tásilderi týraly aıtyp, Andreı Boıarınov (MediaHills) «Qazirgi tańdaǵy teleólsheýlerdi uıymdastyrý jáne ótkizý tásilderine» toqtaldy.
Is-sharany qorytyndylaǵan Kemelbek Oıshybaev konferensııanyń barlyq qatysýshylary bir nátıjege baǵyttalǵanyn jáne talqylaý boıynsha elimizde medıa ólsheý júıesiniń qalaı damıtynyna beı-jaı qaramaıtynyn atap ótti.
