Almaty oblysy boıynsha sybaılas jemqorlyqqa qarsy qyzmettiń tergeý basqarmasynyń óndirisinde Taldyqorǵan qalasynyń kásipkerlik bólimi basshysy men osy bólimniń bas mamany para alý faktisi boıynsha QR Qylmystyq kodekstiń 366-baby, 3-bóligi, 2-1-tarmaqtary boıynsha qylmystyq is alyndy.
Bólim bastyǵy óziniń qaramaǵyndaǵy bas mamanmen kelise otyryp, COVID-19 koronavırýs ınfeksııasymen kúresýdiń daǵdarysqa qarsy sharalary kezinde, halyq kóp jınalatyn sharalar uıymdastyrýǵa jáne ótkizýge tyıym salynǵanyna qaramastan, júıeli túrde para alyp, olarǵa qatysty ákimshilik sharalar qoldanbaǵan. Olar qala meıramhanalarynan jáne stıhııalyq saýda ókilderinen 20 myńnan 270 myń teńgege deıin para alǵan.
Sondaı-aq meıramhananyń bes ákimshisi joǵaryda aıtylǵan kólemde para bergeni jáne jappaı is-sharalar ótkizgeni úshin jaýapqa tartylady.
Qylmystyq is aıasynda Almaty oblysy boıynsha sybaılas jemqorlyqqa qarsy qyzmet basshylyǵy Taldyqorǵan ákimdiginde qala ákiminiń qatysýymen keńes ótkizdi, onyń qorytyndysy boıynsha aldyn alý sharalary maqsatynda, sondaı-aq bul baǵytta tıisti baqylaý júrgizilmegeni úshin Taldyqorǵan qalasy ákiminiń orynbasary S.Arzanbekova qyzmetinen bosatyldy.
