TOKYO2020 • 06 Tamyz, 2021

HOK Belarýstiń eki sheneýnigin Olımpıada akkredıtasııasynan aıyrdy

313 ret

kórsetildi

1 mın

oqý úshin

Halyqaralyq Olımpıada komıteti (HOK) Tokıo oıyndarynda eki Belarýs bapkeriniń akkredıtasııasyn joıdy, dep habarlaıdy Egemen.kz.

Gaýhar QAPASh

HOK Belarýstiń eki sheneýnigin Olımpıada akkredıtasııasynan aıyrdy

Eldiń Olımpıada komıteti akkredıtasııasynan aıyrylǵanyn Artýr Shýmak pen Iýrıı Moısevıch HOK talaby boıynsha Olımpıada aýylynan ketip, jaqyn arada Mınskige oralatynyn aıtty.

Belarýs Olımpıada komıteti barlyq Belarýs sportshysy men bapkerin kez kelgen múddeni kemsitý túrinen tolyq qorǵaıtynyn jetkizdi.

«Bul shara Tokıodaǵy Belarýs sportshylarynyń ál-aýqaty úshin qabyldandy», delingen komıtet habarlamasynda.

Sondaı-aq bul sheshim Tımanovskaıa tóńiregindegi janjal boıynsha HOK tártiptik komıssııasynyń tergeýi aıasynda qabyldanǵan. HOK bul jaǵdaıǵa Shýmak pen Moısevıchtiń róli qandaı ekenin tekserdi.

Aıta keteıik, 2 tamyzda Tımanovskaıa 200 metr qashyqtyqqa júgirýden startqa shyǵýy kerek edi, alaıda qurama ókilderi ony jibermeı qoıǵan. Taıaýda Krıstına 4h400 metrlik estafeta quramasyna engizilgeni úshin Belarýstiń sport sheneýnikterin synaǵan edi.

Belarýs Ulttyq Olımpıada komıteti Tokıo Olımpıadasynda respýblıkanyń jeńil atletıkadan ulttyq komandasynyń jattyqtyrýshylar shtaby sportshyny úıge qaıtarý týraly sheshim qabyldaǵanyn aıtty. Sportshynyń oıynnan shyǵarylý sebebi onyń emosıonaldyq jáne psıhologııalyq jaǵdaıy dep ataldy. Tımanovskaıanyń ózi dáriger ony teksermegenin jáne jattyqtyrýshylar shtaby aıtqan sebepterdiń jalǵan ekenin aıtady.