Koronavırýs • 06 Tamyz, 2021

Almatyda indetke shaldyqqandardyń 23 paıyzy jastar

91 ret kórsetildi

Qoǵamdyq Densaýlyq basqarmasynyń basshysy Narıman Tabynbaev О́ńirlik kommýnıkasııalar qyzmetinde ótken brıfıngte Almatyda koronavırýstyq ınfeksııasyn juqtyrǵan naýqastardy aýrýhanaǵa jatqyzý jáne vaksınalaý týraly aıtty, dep jazady Egemen.kz.

Spıkerdiń aıtýynsha, qaladaǵy jaǵdaı ýshyǵyp tur, táýligine 1500-den astam jaǵdaı tirkelip, sáıkesinshe aýrýhanaǵa jatqandar sany kóbeıip keledi.

«Delta» shtammynyń aıyrmashylyǵy – onyń tez juǵatyndyǵy men naýqas jaǵdaıynyń tez nasharlap, kóbinese aýrýhanaǵa túsýinde bolsa, taǵy bir erekshelik – bul jastarǵa tez juǵady. Búginde qalalyq stasıonarlardaǵy 40 jasqa deıingi jastar 23%-dy quraıdy. Sonymen qatar, 200-den astam bala aýrýhanaǵa jatqyzyldy», deıdi N. Tabynbaev.

Ol úı karantıninde 10 888 naýqastyń jatqanyn, olardyń 1600-i 14 jasqa deıingi balalar ekenin aıtty. Stasıonarlarda 5 156 adam em alýda. Qazirgi kezde stasıonarlardyń júktemesi  shamamen 67%-dy quraıdy. Asa aýyr jaıdaǵy naýqastar sany – 190 adam, aýyr jaǵdaıda – 1 368 adam, reanımasııada jatqandar – 385 adam .

«О́zderińiz bilesizder, Almaty stasıonarlary 3 eshelonǵa bólingen. Birinshisinde 3 950 tósek-oryn, ekinshisinde 1995, úshinshisinde – 1100 tósek-oryn bar. Eger qańtar men aqpanda orta eseppen 30-40 naýqas aýrýhanaǵa jatqyzylsa, qazir 700 adam qabyldanýda, bul 23 esege kóp. Munyń barlyǵy salystyrmaly túrde jaǵdaıdyń ýshyǵyp turǵanyn kórsetedi, naýqastar aýrýhanaǵa jappaı jatqyzylýda. Eger buryn jýrnalıster «Nege aýrýhanalar jartylaı bos tur?» dep suraq qoısa, qazir olar «Nege oryndar jetispeıdi?» dep únemi suraıdy», dedi Almaty QDB basshysy.

N. Tabynbaevtyń aıtýynsha, munyń bári qaladaǵy emdeý mekemeleriniń ınfraqurylymyna, medısına qyzmetkerlerine úlken júkteme túsiredi. KVI-men aýyratyn naýqastardy emdeýge kóp qarajat bólinedi – dári-dármekterge, stasıonarlyq kútimge, PTR-testilerge jáne ár túrli tekserýlerge. Keıde munyń bári jedel járdemniń keshigýine ákelýi múmkin. Kún saıyn jedel járdemdi KVI-men aýyratyn naýqastardyń shamamen 35%-y shaqyrady. Aýrýhanalardyń «qarbalas kezi» – saǵat 12-den 14-ke deıin jáne saǵat 20-dan 22-ge deıingi aralyqta 130 pasıent jetkiziledi.

«Koronavırýspen kúrestiń basty tásili vaksınalaý bolyp qala beredi. Qalada 755 myń azamatqa birinshi komponent salyndy, bul josparlanǵan kólemniń 60%-yn quraıdy. Vaksınanyń ekinshi komponentin 560 myń almatylyq qabyldady. Qalada vaksınalardyń jetkilikti sany bar ekenin atap ótkim keledi.  Spýtnık-V - 12 848 doza, qazaqstandyq vaksınanyń 1600 dozasy bar. Kún saıyn 7-8 myń qala turǵynyna birinshi komponentpen vaksınasııalanady, al ekinshi komponentin 12-13 myńdaı adam aldy», dedi N. Tabynbaev.

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Uqsas jańalyqtar