Ony tirkegender – Lıtvada qazaqtyń ulttyq oıynyn nasıhattap júrgen erli-zaıyptylar – Aıdas Jandarıs jáne Ramýte Jandarıene.
Birneshe jyldan beri Qazaqstannyń Lıtvadaǵy Elshiligi Dúnıejúzilik toǵyzqumalaq federasııasymen jáne lıtvalyq seriktestermen yntymaqtasa otyryp, atalǵan elde qazaqtyń zııatkerlik oıynyn tanystyrý boıynsha tynymsyz jumys júrgizip keledi. Lıtvalyq oqýshylar men stýdentterdi toǵyzqumalaq oıynyń qyr-syryna úıretetin boıynsha sheberlik sabaǵy turaqty túrde ótkizilip turady.
2019 jyly A. Jandarıs pen R. Jandarıene Qazaqstan Elshiligimen jáne dúnıejúzilik federasııamen birlesip alǵash ret lıtva tilinde oınaýǵa arnalǵan ádistemelik qural shyǵaryp, ony «Mektep» iri aımaqtyq kórmesinde jurt nazaryna usyndy.
Kóne oıyn Lıtvada belsendi damyp keledi jáne jankúıerlerdiń sanasyn jaýlap alýda. Lıtvada osy kúnge deıin toǵyzqumalaqtan 2 jarys ótkizildi. Qyzyǵýshylyq tanytqandar Qazaqstanda jasalǵan taqtalardy Vılnıýstiń eski qalasynyń dál ortalyǵynda, Jandarıstardyń kitap dúkeninen satyp alady.
Federasııa quryltaıshylary onyń ashylýyn Qazaqstan Respýblıkasy táýelsizdiginiń 30 jyldyǵyna arnap, oıyndy ary qaraı damytyp qana qoımaı, jaqyn arada Qazaqstandaǵy oıyn sheberlerine eleýli básekelestik jasaýdy josparlap otyr.
