Halyqaralyq olımpıadada tórt medal jeńip aldy

Olımpıada Japonııanyń Osaka qalasynda 24 shilde men 2 tamyz aralyǵynda onlaın formatta ótti. Zııatkerlik jarysqa álemniń 79 elinen 312 oqýshy qatysty. Qazaqstannyń atynan Nur-Sultan, Almaty, Qaraǵandy jáne Pavlodar qalasynan tórt oqýshy, ıaǵnı respýblıkalyq pán­dik olımpıadanyń jeńimpaz­da­ry qatysty. Ulttyq quramany jarysqa tájirıbeli pedagogter men jattyqtyrýshylar daıyndady.

Teorııalyq tapsyrmalardy jo­ǵary deńgeıde oryndaǵan qazaq­standyq qatysýshylardyń barlyǵy júldeger atandy. Haı­dar Qaıyrbek, Sanjar Bı­senalı, Madııar Qasymalı kú­mis, Áıgerim Turyspekova qola medalǵa ıe boldy.

Ulttyq qurama músheleri oqý-jattyǵý jıyndary ke­zin­de sapaly jumys júr­giz­gen mu­ǵa­lim­der men jat­tyq­ty­rý­shy­lar­ǵa alǵys bildirdi.

«Barlyq qatysýshy hımııa páninen eń mańyzdy olımpıadaǵa muqııat daıyndaldy. Bizdiń kúsh-jigerimizdiń aqtalǵanyna qýanyshymyz sheksiz. Joǵary deńgeıde ótip jatqan aýqymdy jarys bolǵandyqtan, tapsyrmalar da qıyn boldy. Biraq bizdiń qurama oǵan daıyn edi. Úsh kúmis jáne bir qola medal jeńip aldyq. Bizdi árdaıym qoldaıtyn jattyqtyrýshylarymyzǵa, mu­ǵa­­lim­derimiz ben ata-ana­la­ry­myzǵa alǵysymyz sheksiz», dedi kú­mis medal ıegeri Haıdar Qaıyrbek.

Bilim jáne ǵylym mınıstri Ashat Aımaǵambetov óziniń Facebook paraqshasynda qaty­sý­shylardy jeńisterimen qut­tyq­tady.

«Olımpıadaǵa qa­tysý­­shy­lar­dy joǵary jetistiktermen quttyqtaımyn! Sizder daıyn­dyq­taryńyzdyń myqty eke­nin kórsettińizder. Ár medal – sizderdiń qajyrly eń­bek­­terińiz ben jeńiske degen um­ty­lystaryńyzdyń nátı­je­si. Sizderge jańa shyń­dar­dy baǵyndyrýda sáttilik ti­leı­min! Olımpıada júl­de­ger­­leriniń ustazdary men jat­tyq­­tyrýshylaryna bergen bi­lim­­deri úshin, al ata-analaryna qoldaý kórsetkeni úshin alǵys aıtamyn. О́z kezeginde, Bilim jáne ǵylym mınıstrligi oqý­shy­la­ry­myzdyń zııatkerlik jarys­tarda kóshbasshylyq orynǵa ıe bolýy úshin jaǵdaı ja­saýdy jal­ǵastyrady», dep jaz­dy mınıstr.

Ashat Aımaǵambetov Mem­le­ket basshysy Qasym-Jomart Toqaevtyń halyqaralyq olım­pıa­dalardyń jeńimpazdary men júldegerlerin qoldaý boıynsha sharalar ázirleýdi tapsyrǵanyn aıtty. Osy tapsyrmany iske asyrý aıasynda mınıstrlik birqatar zańnamalyq ózgeris daıyndady.