Koronavırýs • 09 Tamyz, 2021

Kúmándanýshylardyń kúdigi qashan seıiledi?

81 ret kórsetildi

Týysqandar chaty men áleýmettik jelilerde «Toıhananyń artqy esiginen tyǵylyp kirip, toılatyp júrgen kezimiz» dep sýret salatyn áýmeserler áli de jetkilikti. Sondyqtan bul indettiń zardaby birazǵa deıin jalǵasatynyn joqqa shyǵarýǵa bolmas. Eger oqyrman esinde bolsa, elimizdegi eń alǵashqy koronavırýs indetin óńirlerge «eksporttaýshylar» da osy qudalyq pen toıdan qalmaıtyndar edi.

Toılardan indetti «sarqytqa» áketip júrgenderdiń naqty mysalyn baıandamas buryn, koronavırýs vaksınasyna qarsy bol­ǵandardyń kópshiligi qazir aına­lasyndaǵy qaıǵyly oqıǵa­lar­dy óz kózderimen kórip, kózqarasy ózgere bastaǵanyn baıqaýǵa bolady. Eń bastysy, qazirgideı jaǵ­daıda durys jáne ǵylymǵa negiz­delgen naqty aqparattar qajet.

Sonymen búginde bizdiń sha­har­da bezek qaqqan jedel járdem­niń 30%-y koronavırýs pen pnev­mo­nııaǵa shaldyqqandardy tasıdy. Ne desek te, Almatyda hali aýyr naýqastardyń sany artty, jan­saqtaý bólimsheleri 44%-ǵa toldy. Jansaqtaý jáne ıntensıvti terapııa bólimshelerinde 300-den asa naýqas bolsa, al reanımasııalyq tósektik oryndardyń jalpy sany – 700. Qazirgi kezde kovıdtik sta­sıonarlar bir mezgilde 7 045 pa­sıentti qabyldaı alsa da, kovıd ortalyqtaryn keńeıtý máselesi qa­rastyrylyp otyr.

Qalanyń Oqý-klınıkalyq or­ta­­lyǵynda, ftızıopýlmonologııa ortalyǵynda, gýmanıtarlyq-pe­dagogıkalyq kolledjinde indet juq­tyrǵandar úshin qosymsha oryn­dar ashyldy. 4 tamyzdan bas­­tap «Hak» medısınalyq orta­­ly­ǵyna 130 tósektik oryn qoıyl­sa, 3 jasqa deıingi balalar ata-analarymen birge jatyr.

Mysaly, Almatydaǵy №36 qa­­lalyq emhanasynyń bas dári­ge­riniń uıymdastyrý-ádis­teme­lik jumysy jónindegi oryn­basa­ry­nyń mindetin atqarýshy Ve­nera Toh­­tahýnova vaksına alǵan­darda aýyr jaǵdaılar bolmaǵanyn atady.

Dárigerler vaksınaǵa qarsy bolyp júrgen pasıenttermen sha­ma-sharqynsha áńgimelesip, barlyq málimetti túsindirip otyr.

«Kóbine, KVI-ge qarsy ekpe­den nege bas tartasyz degen su­raqqa, pasıentter ol asqynýlar týdy­ryp, odan ólip ketý múmkin dep jaýap berip jatady. Aıtarym, búginde birde-bir qaıǵyly jaǵdaı tirkelgen joq jáne vaksınadan keıin aýrýdyń asqynýy nemese ólýi múmkin ekeni dáleldenbegen. Vaksına alǵan adamdardyń KVI ınfeksııasynan qorǵalǵany dá­lel­dendi, al ekpeden keıin koro­na­vırýs juqtyratyndar óte az. Vaksınalanǵan adam dert juq­tyrsa, jaǵdaıy jeńil nemese ­sım­p­­tomsyz ótedi», deıdi dáriger.

О́kinishke qaraı, bári birdeı bol­masa da, vaksınaǵa qarsylyq tanytýshylar kóbinese egjeı-tegjeıli aqparat alǵannan keıin dárigerlerdiń dálelderimen keli­sip, ekpe alýǵa sheshim qabyldap jatady.

«Jeke qorǵanys quraldaryn joıý týraly aıtar bolsaq, biz usyn­ǵandaı eger adam bir rettik maska taǵyp júrse, ony ár 3 saǵat saıyn, ásirese 30-40 gradýs temperatýrada aýystyryp turǵan jón. Terlegen kezde maska tıimsiz. Maskalar A synybynda, ıaǵnı turmystyq qaldyqtar retinde shyǵarylady. Birneshe ret qoldanylǵan maskalardy kún saıyn jýyp, býlaý kerek. Sodan soń ony ystyq útikpen útiktemese, onda betperdeniń paıdasy az», deıdi V.Tohtahýnova.

Osy rette vaksına túgili in­dettiń baryna senbegen Alma­ty­daǵy Ortalyq qalalyq klınıka­­lyq aýrýhana pasıentiniń oqıǵasy­na toqtalaıyq. Otbasymen Almaty­ǵa demalýǵa kelgen Qyzylorda qala­synyń turǵyny Jámıla Ja­naevanyń indet juqtyrý tarıhy tómendegideı.

– Almatyǵa kelgennen keıin ózim­di nashar sezinip, dene qy­zýym kóterilip, álsizdik paıda boldy. Basynda sýyqtadym dep oılap, úıde bir apta boıy ım­pro­vızasııalanǵan quraldarmen em­deldim. Jaǵdaıym nasharlaı bas­taǵan kezde PTR tapsyryp edim, test nátıjesi oń bolyp shyq­ty. Sodan dereý jedel járdem shaqyrdym, olar meni Ortalyq qalalyq klınıkalyq aýrýhana­ǵa alyp keldi. Úshinshi kúni me­niń jaǵdaıym tipti nasharlap, jaq­saqtaý bólimine aýystyrdy, onda tórt kún jattym. Jaǵdaıym óte aýyr halde bolǵan bul kúnder esimnen shyqpaıdy. Dárigerler janymnan bir qadam da alys ketpedi. Betim beri qaraǵannan keıin osy aýrýhanaǵa, osyndaı joǵary bi­likti mamandarǵa barǵanyma óte qýandym. О́zim bilim berip otyr­ǵan muǵalimmin, soǵan qaramas­­tan ko­ronavırýs ınfeksııasy ba­ryn moıyndaǵym kelmedi. Jahan­­dyq indet týraly áleýmettik jeli­ler­de udaıy oqyp otyrsam da, bi­raq onyń baryna men de, kúıeýim de senbegen edi. Ol vaksınalaýǵa qatty qarsy bolyp, maǵan da ekpe jasatýǵa ruqsat bermedi. Aıt­qandaı, kúıeýim de aýyryp qaldy. Osy aýrýhananyń barlyq qyzmetkerlerine alǵys aıtqym keledi. Olar árbir naýqasqa yj­daǵatpen qaraıdy eken. Olarǵa tózim tilegim keledi, óıtkeni olar osyndaı qıyn jaǵdaıda shydam­dylyqpen jumys isteıdi jáne kún saıyn ózderin qaýip-qaterge dý­shar etip otyrǵanyn kórdim, – deı­di Almatynyń qonaǵy.

 

ALMATY

 

Sońǵy jańalyqtar

Álemdegi eń úlken muzdyq erip ketti

Ekologııa • Búgin, 11:05

15169 adam koronavırýs juqtyrdy

Koronavırýs • Keshe

Uqsas jańalyqtar