«Búgingi kúnnen bastap jer qatynastary basqarmasynyń basshysy Qalel Muqataıuly Maqsutov karantındi óreskel buzý, ıaǵnı pandemııa kezinde toı uıymdastyrýyna baılanysty qyzmetinen bosatyldy. Taǵy da eskertemin, mundaı zańsyzdyqtar úshin jaza óte qatal bolady. Munda memlekettik qyzmetshiniń qyzmettik etıkasynyń barlyq normalary buzylǵan», dedi oblys ákimi.
Jeńis Qasymbek sondaı-aq monıtorıngtik top múshelerin prınsıptilikke shaqyrdy.
«Sizder bireýdiń múddesine jumys isteý úshin emes, azamattardyń densaýlyǵyn qorǵaý úshin qurylǵan topsyzdar! Osyndaı is-sharalardy toqtatyp, jarııa etińizder. Sizder ózderińiz baqylaý kameralaryna qaraı otyryp jumys isteıtinderińizdi aıtqan bolatynsyzdar. Sondyqtan muqııat qarańyzdar. Salynǵan tyıym barlyǵyna birdeı», dep atap ótti oblys ákimi.
Atalǵan oqıǵa 7 tamyzda oryn alǵan. Toı bolyp jatqan meıramhanaǵa Qaraǵandy qalasynyń polısııa, sanepıdbaqylaý jáne ákimdik qyzmetkerlerinen turatyn mobıldi top shyqty. Meıramhananyń ózinde 500-ge jýyq adam bolǵandyqtan, aýmaqty qorshaý úshin polısııanyń qosymsha narıady shaqyryldy.
