Zattaı aıǵaq retinde esirtki zaty bar túıinshek tárkilendi. Kúdikti ony Keles aýdanynyń turǵynyna 25 myń teńgege satqan.
«Sondaı-aq ustalǵan azamattyń úıinen jalpy salmaǵy 760 gramm «anashaǵa» uqsas esirtki men atys qarýynyń 20-dan astam patrony tabyldy», dep habarlady IIM resmı ókili Nurdildá Oraz brıfıngte.
Qazirgi ýaqytta atalǵan fakti boıynsha QR QK 297-baby 1-bóligi «esirtki, psıhotroptyq zattardy jáne olardyń analogtaryn ótkizý maqsatynda zańsyz daıyndaý, qaıta óńdeý, satyp alý, saqtaý, tasymaldaý, jóneltý nemese ótkizý» boıynsha sotqa deıingi tergeý júrgizilýde.
«Kúdikti qamaýǵa alyndy. Tergeý istiń barlyq mán-jaılaryn, sondaı-aq er adam tyıym salynǵan zattardy qandaı maqsatta saqtaǵanyn anyqtaıtyn bolady», dep qosty ol.
Polısııa esirtki zattarynyń zańsyz taralymy men aınalymy úshin qylmystyq jaýapkershilik qarastyrylǵanyn eske saldy.
