8 tamyzda «109» telefonyna Sh.Jandarbekova kóshesindegi saıajaıda saltanatty is-shara ótip jatqandyǵy týraly habarlama tirkeldi. Oqıǵa ornyna polısııa qyzmetkerleriniń mobıldi toby, ákimdik pen SES ókilderi keldi. Karantındik normalardy buzý faktisin tirkeý kezinde úıdiń 50 jastaǵy ıesi men onyń 54 jastaǵy aǵasy mobıldi top múshelerine kedergi keltirdi.
«Qazirgi ýaqytta ÁQBtK-tiń 667-baby boıynsha ákimshilik is qozǵaldy. Bul bap boıynsha, tártip buzýshylarǵa jıyrma aılyq eseptik kórsetkish mólsherinde aıyppul salynady nemese bes táýlikke deıin ákimshilik qamaýǵa alynady. Materıal sottyń qaraýyna jiberildi», dep habarlady Qaraǵandy oblysy DP baspasóz qyzmeti.
