Foto: booking.com
«8 tamyzda Medeý aımaǵynyń baqylaý toby «Royal Tulip qonaq úı kesheniniń aýmaǵynda Black Star burger ókilderikarantın talaptaryn buzyp, is-shara ótkizgeni anyqtady. Quqyq buzýshylyq faktisi boıynsha qonaqúı kesheni men fast-fýd ortalyǵy ókilderinen túsinikteme alyndy. Materıaldar aýdandyq sanıtarlyq-epıdemıologııalyq baqylaý bólimine berildi», dep habarlady Medeý aýdany ákimdiginen.
Almaty qalasy sanıtarlyq-epıdemıologııalyq baqylaý departamenti bastyǵynyń orynbasary Sadýaqas Baıǵabulov baqylaý tobynyń materıaldary negizinde tıisti tulǵalardyń ákimshilik jaýapkershiligi anyqtalatynyn atap ótti.
Kompanııanyń Instagram paraqshasynan sharaǵa Qazaqstannyń ataqty blogerleri men ártisteri jınalǵanyn kórýge bolady.
Esterińizge sala keteıik, Almaty koronavırýstyń «qońyr qyzyl» aımaǵynda. Bas sanıtarlyq dárigerdiń qaýlysyna sáıkes qalada buqaralyq is-sharalarǵa tyıym salynǵan.
