10 tamyzda Nur-Sultanda jáne Kókshetaýda naızaǵaı oınaıdy. Soltústik-batystan soqqan jeldiń kúshi keı jerlerinde 15-20 m/s jetedi.
Pavlodar oblysynyń keı jerlerinde kúndiz nóser jańbyr, naızaǵaı, burshaq jaýady, daýyl turady, túnde tuman túsedi.
Qyzylorda oblysynda tótenshe órt qaýpi saqtalady.
Aqtóbe oblysynyń ońtústiginde 10-12 tamyzda kúndiz 35-36 gradýsqa deıin aptap ystyq bolady, óte joǵary órt qaýipi saqtalady.
Atyraý oblysynda 10 tamyz kúni kúndiz shyǵys, ońtústik-shyǵystan soǵatyn jel jyldamdyǵy sekýndyna 15-20 metrge jetedi.
Atyraýda kúndiz 37-39 gradýsqa deıin apap ystyq bolady.
Kúndiz Batys Qazaqstan oblysynyń ońtústik-batysynda 40 gradýs ystyq bolady. Keı jerlerde tótenshe órt qaýipi saqtalady.
Oralda kúndiz 37 gradýs ystyq bolady.
Túrkistan oblysynyń keı jerlerinde kúndiz shańdy daýyl turyp, soltústik-shyǵystan soǵatyn jeldiń kúshi 15-20 m/s-ke jetedi. Tótenshe órt qaýipi saqtalady.
Qaraǵandy oblysynyń keı jerlerinde naızaǵaı oınap, burshaq jaýady, daýyl turady. Soltústik-batystan jel soǵyp, kúshi keı jerlerde 15-20 m/s-ke jetedi. Keı jerlerde óte joǵary órt qaýipi saqtalady.
Qaraǵandyda kúndiz 10 tamyzda naızaǵaı oınaıdy.
Soltústik Qazaqstan oblysynyń keı jerlerinde naızaǵaı oınap, burshaq jaýady, daýyl turady. Soltústik-batystan jel soǵyp, keı jerlerde kúshi 15-20 m/s-ke jetedi.
