Aımaqtar • 09 Tamyz, 2021

Bıyl Almatyda taǵy úsh jańa jolaıryq salynady

61 ret kórsetildi

Almaty qalalyq mobıldilik basqarmasynyń basshysy Ǵanı Myrzahanov úsh jol aıryǵynyń qurylysy týraly aıtty, dep habarlaıdy Egemen.kz.

«Qazirgi ýaqytta úsh jol aıryǵynyń qurylysy júrip jatyr. Aǵymdaǵy jyly Rysqulov dańǵyly men Emsov kóshesiniń qıylysyndaǵy kólik aıyryǵy boıynsha avtokólik quraldary úshin qozǵalys ashý, al kelesi jyly Seıfýllın dańǵyly – Jansúgirov kóshesi, Buqtyrma kóshesi – Qulja traktisi aıyryqtarynyń qurylysyn aıaqtaý josparlanýda», dedi ol О́KK brıfıngi barysynda.

Onyń aıtýynsha, qazirgi ýaqytta tórt kóshe tesiginiń qurylysy júrgizilýde.

«Bıyl qurylys-montaj jumystaryn aıaqtap, Abaı dańǵyly, Alataý kóshesi men Áýezov kóshesin avtokólik quraldary úshin qozǵalys ashý josparlanýda, 2023 jyly Saın kóshesin aıaqtaý josparlanýda», dep qosty spıker.

Aǵymdaǵy jyly Alataý, Túrksib jáne Naýryzbaı aýdandarynyń segiz shaǵyn aýdany: О́jet, Shańyraq-5, Samǵaý, Alǵabas, Nurshashqan, Álmerek, Qaırat pen Quramysta jol salý jumystary júrgizilýde. Onyń ishinde uzyndyǵy 108 km 415 kóshe bar. Búgingi tańda uzyndyǵy 35 km 132 kósheniń qurylysy aıaqtaldy, aǵymdaǵy jyldyń sońyna deıin 75 km joldy aıaqtaý josparlanýda.

Ǵanı Myrzahanov Almatyda kóshe-jol jelisiniń jalpy uzyndyǵy 3 096 km quraıtynyn, onyń 298 km qatty jabyndysy joq ekenin atap ótti. Bıyl uzyndyǵy 206 km bolatyn 212 kóshege, onyń ishinde qalanyń 20 magıstraldy kóshesine ortasha jóndeý júrgizý josparlanǵan.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar