Instagram jelisinde jarııalanǵan aqparatta oqıǵanyń keshe bolǵany aıtylady.
«Shamamen saǵat 21:00-de Saraıshyk 5/1 kóshesinde qylmystyq oqıǵa oryn aldy. Kýágerlerdiń aıtýynsha, 40-50 jas shamasyndaǵy mas adam múgedek qyzdy zorlamaq bolǵan. Oqıǵa ornynda bolǵandardyń aıtýynsha, qyz serebraldy sal aýrýyna shaldyqqan», dep jazylǵan áleýmettik jelide.
Bul málimetti Nur-Sultan qalasy Polsııa departamentiniń baspasóz qyzmeti rastady.
«Polısııaǵa úıdiń 29 jastaǵy turǵynyn úı kireberisinde belgisiz er adam zorlaǵany týraly habarlama kelip tústi. Polısııa qyzmetkerleri qylmys jasady degen kúdikpen 47 jastaǵy er adamdy ustady. Atalǵan fakti boıynsha qylmystyq is qozǵalyp, tergeý amaldary júrgizilýde. Qajetti saraptamalar taǵaıyndaldy», dep jazylǵan departamenttiń resmı aqparatynda.
