Negizgi sebep - eldi mekenderge gaz tartý kóleminiń ulǵaıýy. Nátıjesinde kómirdi tutyný 4,8 mln tonnaǵa deıin tómendeıdi. Bul rette ótken qystyń kórsetkishi - 7,2 mln tonna ekenin aıta ketken jón.
Aldyn ala málimet boıynsha, bıylǵy birinshi jartyjyldyqta kommýnaldyq-turmystyq qajettilikterge jáne turǵyndarǵa 3,4 mln tonna kómir tıeldi. Energııa óndirýshi kásiporyndarǵa 31,3 mln tonna, ónerkásiptik kásiporyndardyń qajettilikterine 2,9 mln tonna jóneltildi. 14,5 mln tonna kómir eksporttaldy.
ShQO, SQO jáne Almaty qalasyn qospaǵanda, barlyq óńir 2021-2022 jylǵy jylý berý kezeńine qajetti kómir kólemin rastap, jańa maýsymǵa daıyndyqty bastap ketti. Kómir satyp alýǵa tender jarııalanyp, óńirlik operatorlar anyqtaldy.
QR IIDM-de oblystardyń, Nur-Sultan, Almaty jáne Shymkent qalasy ákimdikterimen keńeıtilgen keńes ótti. Onda óńirlik bılikke halyqqa kómir baǵasy men markalaryn, satylatyn jeri men olarda kómirdiń bar-joǵyn túsindirip, tıisti aqparat berip otyrý úshin arnaıy «jedel jeli» qurý, kómirdi jetkizý men onyń sapasyna qatysty turaqty monıtorıng júrgizý usynyldy. Al kómir baǵasynyń zańsyz ósýi jaǵdaıynda monopolııaǵa qarsy vedomstvonyń aýmaqtyq bólimshelerin belsendi túrde tartý qajet.
Sarapshylardyń baǵalaýynsha, markasyna baılanysty kómir baǵasy 9,9%- dan 24%-ǵa deıin ósýi yqtımal.
Otandyq kómir óndirýshi kompanııalar 2021 jylǵy qańtar-shilde aılarynda barlyǵy 59,7 mln.tonna kómir óndirdi. Kómirdi negizinen tórt kómir óndirýshi kompanııa jetkizedi. Olardyń naryqtyq úlesi jetkizýdiń jalpy kóleminiń 89%-na teń. Atap aıtqanda, «Shubarkól Kómir» AQ úlesi 28%, «Qarajyra» AQ úlesi 25%, «Maıkýben-Vest» JShS úlesi 25%, «Bogatyr Kómir» JShS úlesi 11%.
