«Qazgıdromet» usynǵan boljamǵa sáıkes, el aýmaǵyndaǵy sınoptıkalyq jaǵdaıǵa ketip bara jatqan sıklon men antısıklon silemi áser etedi. Sonyń saldarynan Qazaqstannyń soltústigi men shyǵysynda túngi ýaqytta qar jaýady.
Al kúndiz respýblıkanyń batys bóliginde jaýyn-shashyn jáne, qar aralas jańbyr jaýýy yqtımal. Mamandardyń málimetinshe, eldiń qalǵan aımaqtarynda antısıklon yqpaly saqtalyp, negizinen jaýyn-shashynsyz aýa raıy qalyptasady.
Degenmen sınoptıkter respýblıka aýmaǵynda birqatar qolaısyz qubylystar bolýy múmkin ekenin eskertedi. Atap aıtqanda, keı óńirlerde tuman túsip, jel kúsheıedi. Soltústik pen shyǵys oblystarda jaıaý burqasyn bolýy yqtımal.
Batys aımaqtarda jeldiń kúsheıýimen birge shańdy daýyl tirkelýi múmkin. Mamandar aýa raıynyń mundaı qubylystary jol qozǵalysyna jáne kúndelikti tirshilikke áser etýi múmkin ekenin eskertip otyr.
