Búgin polısııa qyzmetkerleri elimiz boıynsha respýblıkalyq referendýmnyń qaýipsiz ótýin qamtamasyz etti. Ishki ister mınıstrligi daýys berý aıaqtalǵannan keıin de qoǵamdyq tártipti qamtamasyz etýdi jalǵastyrady. Bul týraly «Referendým – 2026» onlaın-marafony aıasynda OKQ alańynda ótken brıfıng barysynda resmı ókil Shyńǵys Álekeshev aıtty.
Onyń aıtýynsha, saılaý komıssııalarynyń, baıqaýshylardyń qaýipsiz jumys isteýine jáne azamattardyń óz tańdaýyn erkin túrde jasaýyna barlyq jaǵdaı jasaldy.
«Elimizdegi 10 myńnan astam referendým ýchaskesiniń eshqaısysynda qoǵamdyq tártipti óreskel buzý faktilerine jol berilmedi. Qazirgi ýaqytta ýchaskelerde daýystardy sanaý jumystary júrip jatyr. Jaǵdaı turaqty jáne polısııanyń tolyq baqylaýynda. Daýystardy sanaý aıaqtalǵannan keıin polısııa qyzmetkerleri bıýlletender men hattamalardy óńirlik komıssııalarǵa qaýipsiz jetkizýdi qamtamasyz etedi», dedi spıker.
Aıta keteıik, Qazaqstanda 15 naýryz kúni keshki saǵat 20:00-de barlyq referendým ýchaskeleri jabyldy. Referendýmda daýys bergender sany 9 126 850 azamatty qurady.
