Aımaqtar • 11 Tamyz, 2021

Joq páterdi jalǵa bergen temirtaýlyq ustaldy

47 ret kórsetildi

Aqmola oblysy Temirtaý qalasynyń turǵyny Olx qosymshasy arqyly joq páterlerdi jalǵa berip, aqsha tapqan, dep habarlaıdy Egemen.kz Polisia.kz-ke silteme jasap.

Polısııa basqarmasyna osy jarnamaǵa aldanǵan 27 jastaǵy qostanaılyq, Ekibastuz qalasynyń 21 jastaǵy turǵyny jáne Kókshetaý qalasynyń 24 jastaǵy turǵyny júgindi.

Zardap shekkender Olh habarlandyrý saıtynan jalǵa beriletin turǵyn úı izdegen. Habarlandyrýda kórsetilgen nómirge qońyraý shalǵan kezde, «páter ıesi» 10-20 myń teńge mólsherinde aldyn ala tólem jasaý usynǵan. Aqsha aýdarylǵannan keıin jarnamanyń avtory baılanysqa shyǵýdy toqtatqan.

Aqmola oblysy Polısııa departamenti Krımınaldyq polısııa basqarmasynyń qyzmetkerleri Temirtaý qalasynyń aýmaǵynda «Anti-fraud» jedel aldyn alý is-sharasyn ótkizip, Temirtaý qalasynyń 31 jastaǵy turǵynyn ustady. Kúdikti buryn birneshe ret sottalǵan. Ol óz isin moıyndady.

QR QK 190-baby 2-bóligi (Alaıaqtyq) boıynsha sotqa deıingi tergeý bastaldy.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar