Elshi hanym elimizdiń biraz aımaqtaryna is-saparǵa baryp, iskerlik kezdesýler ótkizgenin tilge tıek etip ótti. «Meniń baıqaǵanym, bizdiń ortaq toǵysqan qyrlarymyz kóp, degenmen, tikeleı qatynas áli de másele týdyrady! Úndistan 1992 jylǵy aqpanda Qazaqstanmen dıplomatııalyq qatynastar ornatyp, Qazaqstannyń táýelsizdigin moıyndaǵan alǵashqy elderdiń biri boldy. Úndistan Elshiligi Almaty qalasynda 1992 jyldyń mamyr aıynda, Qazaqstannyń Nıý-Delıdegi Elshiligi 1993 jyly ashyldy. Bizdiń elderimiz ózderiniń ekijaqty qatynastaryn nyǵaıtyp, olardy 2009 jyly Qazaqstan Respýblıkasynyń Tuńǵysh Prezıdenti Nursultan Nazarbaevtyń Úndistanǵa Respýblıka kúnin toılaýǵa qurmetti qonaq retindegi sapary kezinde strategııalyq áriptestikke aınaldyrdy» » dep atap ótti Elshi hanym.
Sondaı-aq Úndistanyń qazirgideı pandemııa kezinde álemniń 150 eline kómek kórsetkeni elshi hanymnyń nazarynan tys qalmady.
«Men, ekijaqty qatynastar turǵysynan, strategııalyq áriptesteriniń ekeýi de, Úndistan da jáne Qazaqstan da, ózderiniń tıisti qasıetterin tolyqqandy kórsetkenin qýana málimdeımin. 2019 jylǵy maýsymda Arys qalasyndaǵy oq-dáriler qoımasyndaǵy jarylystardan keıin Úndistan Qazaqstanǵa qalpyna keltirý operasııalaryna kómektesý jáne qurbandar sanyn odan ári azaıtý úshin bombalardy zalalsyzdandyrý boıynsha kúsheıtilgen kostıýmder berdi. Qazirgi COVID-19 pandemııasynyń órshýi kezinde Úndistan úkimeti gıdroksıhlorohın dári-dármegin Qazaqstanǵa COVID-19-ben kúreste gýmanıtarlyq kómek retinde jiberdi. Sol sııaqty, bıyl biz tap bolǵan daǵdarys kezinde Qazaqstan Úndistandaǵy pandemııamen kúresý úshin arnaıy reıspen medısınalyq jabdyqtar jetkizdi, sol úshin biz Qazaqstan halqyna rızashylyǵymyzdy bildiremiz. Osyndaı tereń túsinistikpen jáne bir-birimizge degen ózara syılastyqpen bizdiń ekijaqty qatynastarymyz úshin zor áleýet bar ekenin kórip otyrmyn», dep atap ótti Elshi hanym.
