Álem • 12 Tamyz, 2021

Qytaı karaokeni baqylamaq

74 ret kórsetildi

Qytaı ulttyq birlikke qaýip tón­diredi degen jeleýmen «zańsyz maz­muny bar» karaoke ánderine ty­ıym sal­maq. Osylaısha, Beıjiń bıligi eldegi 50 myńǵa jýyq oıyn-saýyq ornyn baqylap, aýmaqtyq tutastyqqa, dinı saıa­satqa qaýip tóndiretin ánderdi shektemek. Onyń ornyna mátininde Kom­mýnıstik partııanyń ustanymyna qarsy kelmeıtin ánder qoıylýǵa tıis.

Qytaı Mádenıet jáne týrızm mı­nıstr­­liginiń habarlaýynsha, 1 qazan­nan bas­tap, búkil elde «zańsyz mazmuny bar» án­derdi qoıýǵa tyıym salynady. Osy mer­zimge deıin «qara tizimge» engen óle­ńder týraly tolyqqandy málimet berilmek.

Mınıstrliktiń aıtýynsha, ulttyq birlikke, egemendikke nemese ter­rı­to­rııa­lyq tutastyqqa qaýip tóndiretin, kýltterdi, yrymdardy nasıhattaý arqy­ly memlekettik dinı saıasatty buza­tyn nemese qumar oıyndar men esirt­ki tárizdi zańsyz áreketterdi nasıhattaıtyn mazmundaǵy ánder «qara tizimge» engizilmek.

Karaoke qojaıyndary shyrqalatyn ánderdiń mazmunyna jaýapty bolmaq. Áıtse de, Qytaıda 50 myńnan astam oıyn-saýyq orny men 100 myńnan astam án bar. Bul baqylaýdy qıyndatpaq.

Mınıstrlik karaokelerge «zańsyz mazmuny bar» ánderdiń ornyna saıasatqa saı, kóterińki mýzyka qoıýǵa keńes berdi.

Qytaı zorlyq-zombylyqty, pornografııany nasıhattaıtyn búkil kontentke tyıym salǵan. Sondaı-aq áleýmettik jeliler men veb-saıttardy baqylap, saıa­sı taqyrypta synı pikir jazatyndardy qýdalaıdy.

Sońǵy jańalyqtar

Sal-seriniń sońy

Qazaqstan • Búgin, 21:30

Jazda lager jetispeıdi

Qoǵam • Búgin, 21:27

GGG – CANELO: Er kezegi úshke deıin...

Kásipqoı boks • Búgin, 21:19

Alash ardaqtysyn túrki álemi ulyqtady

Ahmet Baıtursynuly • Búgin, 21:09

Shabandoz taqym qysyp oqıtyn jyr

Ádebıet • Búgin, 21:08

Bizdiń Saıyn

Ádebıet • Búgin, 21:06

Shavqat jeńiske jetti

Sport • Búgin, 21:05

Maǵjannyń qarasózderi

Ádebıet • Búgin, 21:05

Saf aýadaǵy serýen

Egemen Qazaqstan • Búgin, 21:02

Uqsas jańalyqtar