Act Accelerator COVID-19-ben kúresý quraldaryna qol jetimdilikti jedeldetý bastamasynyń jetekshisi Brıýs Eılvard koronavırýsqa qarsy vaksınalarǵa qoljetimdiliktiń teńsizdigin «uıat» dep atap, saıası kóshbasshylar men bıznes-magnattardy kedeı elderdi vaksınamen qamtýǵa shaqyrdy.
Atap aıtqanda, ol álemniń eń yqpaldy 20 kóshbasshysyn qyrkúıek aıynyń sońyna deıin teńsizdik máselesin sheship, álemniń ár elindegi halyqtyń 10 paıyzyn vaksınasııalaýǵa shaqyrdy.
AFP baǵalaýy boıynsha, búkil álemde shamamen 4,5 mıllıard vaksına dozasy qoldanylǵan. Halyqaralyq banktiń málimetterine sáıkes, kirisi joǵary elderde 100 adamǵa shaqqandaǵy doza sany 104-ti quraıdy, al kirisi tómen 29 elde 100 adamǵa eki dozadan keledi.
