Jarysqa Nur-Sultan, Almaty, Shymkent qalalary, Almaty, Aqmola, Batys Qazaqstan, Soltústik Qazaqstan, Jambyl, Qyzylorda, Qostanaı jáne Shyǵys Qazaqstan oblystarynan 130 sportshy qatysady.
«Respýblıkalyq shara Táýelsizdiktiń 30 jyldyǵyn merekeleý aıasynda Shyǵys Qazaqstan jerinde ótip jatyr. Jarysqa onnan astam óńirden úmit kúttiretin jas sportshylar keldi. Maqsatyńyzǵa jetýińizge tilektespiz», dedi ShQO ákiminiń orynbasary Azamat Muhamedchınov ashylý saltanatynda.
Jarysqa qatysýshylardy jol polısııasy, jedel járdem jáne kómekshi kólikter alyp júredi.
«Bul jarys óte mańyzdy. Bıyl ol Shyǵys Qazaqstanda ótkiziledi, sebebi mundaǵy relef pen joldar velojarysqa óte qolaıly. Barlyǵy bul joldar Italııaǵa uqsaıtynyn aıtady. Men jarys ádil ótkenin qalaımyn, sebebi nátıjesinde veloshabandozdar Álem chempıonatyna irikteledi», deıdi QR eńbek sińirgen jattyqtyrýshysy Rashıd Hakımov.
Aıta keteıik, is-shara barlyq sanıtarlyq-epıdemıologııalyq normalarǵa sáıkes júrgiziledi.
Velojarystyń jabylý saltanaty 19 tamyzǵa josparlanǵan.
Uıymdastyrýshylar: QR Bilim jáne ǵylym mınıstrligi Ulttyq ǵylymı-praktıkalyq dene tárbıesi ortalyǵy, «Qazaqstandyq velosport federasııasy» respýblıkalyq qoǵamdyq uıymy, Shyǵys Qazaqstan oblysynyń ákimdigi men Bilim berý basqarmasy.
