Aımaqtar • 16 Tamyz, 2021

Almatyǵa azyq-túlikti jedel jetkizedi

23 ret kórsetildi

Eki mıllıonnan astam halqy bar megapolıs qymbatshylyq, qýańshylyq qyspaǵynan shyǵý úshin naqty qadamdarǵa baryp otyr. Osy aptada Almaty oblysynyń óndirýshileri Almaty qalasyna azyq-túlik ónimderin jedel jetkizý jónindegi memorandýmdarǵa qol qoıdy.

 Almaty oblysynyń iri saýda jelileri men taýar óndirýshileri Almatyǵa sıyr etin, kúnbaǵys maıyn jáne kúrishti tikeleı jetkizý týraly kelisip otyr. Almaty qalasy ákiminiń orynbasary Maqsat Kıkımovtyń Almaty oblysyna jumys sapary barysynda yntymaqtastyq týraly tıisti memorandýmdarǵa qol qoıyldy.

Almaty qalasynyń kásipkerlik jáne ınvestısııalar basqarmasy, «Almaty» ÁKK» AQ, «Jetisý» ÁKK, «RIR» AQ, «Magnum Cash&Carry», «Small» saýda jelileriniń ókilderi quramyndaǵy delegasııa Taldyqorǵan qalasy men Balqash aýdanynyń «Jetisý Majıko» agrokesheni» JShS, «Dınara Ranch» JShS, «Agrofırma Birlik» JShS, «Tamshy-bulaq» JShS kásiporyndary men iri sharýa qojalyqtaryna baryp, onda áleýmettik mańyzy bar azyq-túlik taýarlaryn belgilengen baǵamen jetkizý týraly kelisimderge qol jetkizildi.

Bul sharalar Memleket basshysynyń áleýmettik mańyzy bar azyq-túlik taýarlarynyń baǵasyn turaqtandyrý jónindegi tapsyrmasymen úılesedi. Kezdesý barysynda Almaty oblysynyń taýar óndirýshilerine memlekettik qoldaý tetikteri, atap aıtqanda, óndiriletin ónimniń ózindik qunyn tómendetýge jáne halyq úshin taýarlardyń qoljetimdiligin arttyrýǵa tıis aınalym qarajatyn tolyqtyrýǵa arnalǵan jeńildikti nesıe­ler usynyldy.

«Qazir megapolıstiń azyq-túlik qaýipsizdigin qamtamasyz etý jumystary belsendi júrip jatyr. Bul – erekshe baqylaýda turǵan strategııalyq mańyzdy másele. Maýsym aıynda biz kókónis, qant, sút jáne sút ónimderin, qus etin, jumyrtqa, makaron ónimderin tikeleı jetkizý boıynsha kelisimder jasastyq. Búgin biz sıyr etin, maı men kúrishti tikeleı jetkizý týraly kelisimge keldik. Qabyldanǵan sharalardyń arqasynda shilde aıynyń basynan bastap tutyný baǵalary ındeksiniń 0,7%-ǵa tómendeýi baıqaldy, bul respýblıka boıynsha Almaty qalasyn 9 tarmaqqa, 10-nan 19-orynǵa tómendetýge múmkindik berdi», deıdi Almaty qalasy ákiminiń orynbasary M.Kıkımov.

Áleýmettik mańyzy bar azyq-túlik ónimderiniń baǵasyn turaqtandyrý úshin Almatynyń 7 negizgi azyq-túlik baza­ryn­da áleýmettik dúkender («Kók bazar», «Jańa Aqbulaq» (kóterme saýda), «Sary-Arqa», «Tastaq», «Taýsamaly», «Almaty-1», «Túrksib» jármeńkesi) jumys isteıdi. Onda ortasha naryqtyq baǵadan tómen baǵamen 10 túrli ÁMAT ónimderi (kartop, sábiz, pııaz, qyryqqabat, qant, qaraqumyq, kúnbaǵys maıy, kúrish, rojkı, un) satylady. Aldaǵy maýsymaralyq kezeńge, ıaǵnı bıylǵy qyrkúıekten 2022 jylǵy sáýirge deıin Almaty ákimdigi 22 myń tonna kókónisti «shuǵyl» satyp alý shartyn jasady.

 

ALMATY

 

Sońǵy jańalyqtar

Áskerı tikushaq apatqa ushyrady

Álem • Búgin, 15:21

Túrkistan oblysynda eki brakoner ustaldy

Aımaqtar • Búgin, 13:06

Efıopııada pilder qyrylyp jatyr

Álem • Búgin, 11:58

Qazaqstanda un óndirý kólemi tómendedi

Ekonomıka • Búgin, 11:45

Dastın Pore: Makgregor – ótken shaq

Jekpe-jek • Búgin, 11:40

Gazǵa aýysqan kólikter sany artty

Qazaqstan • Búgin, 10:50

Alvares aýyr salmaqta alypqa aınala ma?

Kásipqoı boks • Búgin, 10:35

Uqsas jańalyqtar