Aımaqtar • 16 Tamyz, 2021

Úńgirdegi úlgili is

50 ret kórsetildi

Balqash qalasynyń mańyndaǵy tabıǵaty tańǵajaıyp Bektaý ata taýy elimizdegi kıeli nysandar men basqa da erekshe qasterlenetin tabıǵı mura eskertkishteriniń kartasyna kiredi. Munda 600 metr bıiktikte oryn tepken Áýlıe ata úńgiri bar. Bul jerge jurt kóptep keledi.

 

О́kinishke qaraı, tártipsiz týrıster uzaq jyldardan beri osy úńgirdiń aýzy men mańaıyn neshe túrli jazýlarǵa toltyryp, tabıǵat keremetiniń sánin keltirip kelgen edi.

О́tken jyly osy kemshilikti joıý maqsatynda Shashýbaı kentiniń bó­bekjaı kesheni bazasyndaǵy re­sýrs­tyq ortalyqtyń pedagogteri men  mamandary jáne tehnıkalyq qyz-­
metkerleri kıeli úńgirdi jabaıy jazbalardan tazartý jóninde sheshim qabyldaǵan bolatyn.

Endi, mine, bes aı boıy tynymsyz ter tókken olar ózderiniń dittegen maqsattaryna jetti. «Rýhanı jań­ǵyrý» baǵdarlamasy aıasynda ótken bul aksııa týraly óziniń feısbýk paraq­shasyna joba jetekshisi, ob­lystyq máslıhattyń depýtaty Aıman Túkbaeva bylaı dep jazdy: «Dema­lys jáne mereke kúnderi bel­sendi azamattarymyz júrek qala­ýymen Bektaý ata shatqalyna ba­ryp, úńgirdi tazartty. Olar ózderi­men birge turmystyq ottegi ballonyn, dızeldi shaǵyn avtonomdy gene­ratorlyq elektr stansasyn, elektr shetkalary men keskishterin, órt saty­laryn, týrıstik jabdyqtar men arqan­dardy, otpen jumys isteý­degi jeke qaýipsizdik zattaryn, qury­lys quraldaryn ala baryp, tazalaý jumystarymen aınalysty. Aksııa resmı túrde 6 tamyzda aıaqtaldy».

Igi is bitkennen keıin belsendi aza­mattar úńgirdiń aldyna qazaq, orys jáne aǵylshyn tilderinde ja­zyl­ǵan aqparattyq bannerler men «Tabıǵat minsiz taza, min bizde ǵana» degen jazýy bar eskertkish taqta ornatty.

 

Qaraǵandy oblysy

 

Sońǵy jańalyqtar

Indet qaıta órshidi

Álem • Keshe

О́ńirde damý úrdisi bar

Aımaqtar • Keshe

Tańdaıdyń tarlany

Tarıh • Keshe

Joǵalǵan soldat

Tarıh • Keshe

Dombyrany dáriptedi

Rýhanııat • Keshe

Almatyda 36 gradýs ystyq bolady

Aýa raıy • Keshe

Búgin - Ulttyq dombyra kúni

Qazaqstan • Keshe

Uqsas jańalyqtar