«2021 jyldyń jeltoqsanynda «áleýmettik ámııan» jobasynyń pılottyq nusqasyn engizý josparlanyp otyr. 2022 jyldan bastap elektrondy aqsha túrindegi járdemaqylar men áleýmettik tólemderdi kezeń-kezeńmen «áleýmettik ámııanǵa» aýdarý josparlanǵan», dep habarlady vedomstvonyń baspasóz qyzmeti.
2020 jyldyń 1 qyrkúıeginde Qasym-Jomart Toqaev halqqa arnaǵan joldaýynda zeınetaqy men járdemaqy taǵaıyndaý prosesterin barynsha sıfrlandyrýdy, soǵan qosa ár azamattyń atyna «áleýmettik ámııan» engizýdi tapsyrdy.
«Áleýmettik ámııan» – banktik shottyń balamasy. Áleýmettik ámııany bar azamattarǵa bankke barýdyń, esepshot ashýdyń qajeti joq. Ataýly áleýmettik tólemder tikeleı sol ámııanǵa aýdarylady. Ol arqyly bıýdjetten áleýmettik baǵytqa bólingen aqshanyń qalaı jumsalyp jatqanyn baqylaýǵa bolady.
Qazir barlyq áleýmettik tólem ekinshi deńgeıli bank shotyna aýdarylady. «Áleýmettik ámııannyń» olardan artyqshylyǵy – bankke júginýdiń qajeti joq. Sıfrlyq ámııan qolǵa aqsha ustap júrýdi qajet etpeıdi.
