Qoǵam • 16 Tamyz, 2021

Belgili sport kommentatory Amangeldi Seıithan ómirden ótti

3728 ret kórsetildi

Belgili sport kommentatory Amangeldi Seıithan ómirden ótti, dep habarlaıdy Egemen.kz.

Qaraly habardy áriptesi Jandos Aıtbaı rastady.

«Ol kisi aýrýhanada kóp jatqan joq. Keshe jansaqtaý bólimine tústi. Búgin aıyrylyp qaldyq. Sońǵy kúnge deıin jasyryp, jany qınalyp jatsa da eshkimge bildirmedi», dedi jýrnalıst Jandos Aıtbaı.

Amangeldi Mýatqanuly 1969 jyly 11 mamyr kúni ShQO Maqanshy aýdanynda dúnıege kelgen.

1991-1994 jyldary «Sport» gazetinde istep, 1994 jyly «Qazaqstan» teleradıokorporasııasynda «Tuǵyr» atty baǵdarlama ashyp, júrgizýshisi boldy.

Osy oraıda ol arnadaǵy sport bólimindegi bas redaktordyń orynbasary qyzmetin de qatar atqardy.

Osyndan soń «Qumsaǵat» baǵdarlamasynyń sporttyq aqparattar boıynsha prodıýseri atandy.

Al 1997 jyly «Habar» arnasyna aýysyp, osy kúnge deıin atalǵan agenttikte jumys istep keldi. Fýtboldan 1998 jyly Fransııadaǵy Álem chempıonatynda qazaq tilinde kommentator boldy.

Odan keıin 1999 jyly Bangkoktegi Azııa oıyndaryn, 2000 jyly Sıdneıdegi Olımpııa oıyndaryn, 2002 jylǵy Solt-Leık-Sıtıdegi aq Olımpıadany «Habar» arnasynyń efırinde qazaqsha sóıletti.

Amangeldi Seıithan 2000 jyly elimizdegi sport jýrnalısterine beriletin Seıdahmet Berdiqulov atyndaǵy syılyqtyń laýreaty.

Sport sharasyn «jeńisti kúnderde jolyqqansha» dep aıaqtaıtynymen kórermender yqylasyna bólengen edi.

Sońǵy jańalyqtar

Uqsas jańalyqtar