Hokkeı • 17 Tamyz, 2021

«Barys» – alty dúrkin jeńimpaz

18 ret kórsetildi

Elordada shaıbaly hokkeıden uıymdastyrylǵan Qazaqstan Respýblıkasy Prezıdenti kýbogy halyqaralyq jarysy óz máresine jetti. Fınalda Qaraǵandynyń «Saryarqa» klýbynan basym túsken «Barys» jarystyń altyn dúrkin jeńimpazy atandy.

Shaıbaly hokkeıden Qazaqstan Respýb­lıkasy Prezıdenti kýbogy 2010 jyldan beri ótkizilip keledi. Dástúrli týrnır jyl saıyn tamyz aıynda elordada uıymdastyrylyp, oǵan Qurlyqtyq hokkeı lıgasynda (QHL) óner kórsetetin birqatar komanda qatysady. Iаǵnı bul jarys QHL-da baq synaıtyn klýbtar úshin jańa maýsym aldyndaǵy sońǵy daıyndyq jumystarynyń biri sanalady. О́kinishke qaraı, byltyrǵy týrnır koronavırýs pandemııasyna baılanysty uıymdastyrylǵan joq. Byltyrǵy tamyz aıynda qazaqstandyq sportshylarǵa sporttyq jarys ótkizý bylaı tursyn, jattyǵý jıyndaryn ótkizýge de shekteý qoıylǵan bolatyn.

Al bıyldan bastap Qazaqstanda sporttyq jarystar ótkizýge ruqsat berilgenimen, kóp týrnır jankúıerlerdiń qatysýynsyz ótip jatyr. Sondyqtan «Barys Arenadaǵy» Prezıdent kýbogy jarysyna da kórermender kirgizilgen joq. Týrnırge alǵashynda Hel­sınkıdiń «Iokerıt», Beıjińniń «Kýnlýn Red Star» jáne Rıganyń «Dınamo» koman­da­lary shaqyrylǵan edi. Alaıda hel­sın­kılikter men rıgalyqtardyń Qazaq­stan­ǵa kel­meıtini belgili boldy. Buǵan da korona­vırýstyń kesiri tıgeni anyq.

Sóıtip 11 tamyzda 11-shi ret uıymdas­ty­rylǵan týrnırge «Barys» pen «Kýn­lýnynan» bólek, Qazaqstannyń eń myq­ty eki ujymy – Qaraǵandynyń «Saryarqasy» men О́skemenniń «Torpedosyna» qatysýǵa múmkindik berildi. Komandalar bir-birimen oıyn ótkizip, keıin jartylaı fınal jáne fınalǵa shyqqan komandalar anyqtaldy.

Toptyq kezeńde úsh oıyn ótkizip, ekeýinde jeńiske jetken «Barys» pen «Saryarqa» klýb­tary fınalǵa shyqty. Bir qyzyǵy, eki klýb týrnırdiń birinshi týrynda bir-birimen kezdesip, qaraǵandylyq komandanyń mereıi ústem bolǵan edi. Fınalda «Barys» sol esesin qaıtaryp, kezekti ret Prezıdent kýbogyn jeńip aldy.

«Barys Arenada» ótken fınaldyq kezdesý 7:3 esebimen «Barystyń» paıdasyna aıaqtaldy. Birinshi kezeńniń alǵashqy 10 mınýtynda muzaıdyn ıeleri qarsylas komandanyń qaqpasyna jaýapsyz úsh shaıba soǵyp, esepte alǵa shyǵyp aldy. Gol avtorlary – Kertıs Volk (4-mınýt), Egor Shalapov (7) jáne Mett Frettın (9). Alaıda «Saryarqa» úziliske deıin-aq esep aıyrmashylyǵyn qys­qartyp, oıynnyń kórigin qyzdyra tústi. Qara­ǵandylyqtar sapynan 11 jáne 19-mınýttarda Stepan Grymzın men Sergeı Golodnıýk mergendigimen kózge tústi.

Tipti qaraǵandylyq klýb ekinshi kezeńniń basynda tarazy basyn teńestirip, oıyn odan ári shıelenise tústi. Bul joly Stepan Grymzın dýbl avtory atandy. Biraq «Sary­arqanyń» ári qaraı tarazy basyn teń ustap turýǵa kúshteri jetpedi. 34-mınýtta Iаkob Lılıanyń arqasynda «Barys» esepte alǵa shyǵyp alsa, kezeńniń aıaqtalýyna 28 sekýnd qalǵanda Darren Dıs esepti eseledi. Al sońǵy kezeńde «Barys» «Saryarqa» qaqpasyna taǵy eki shaıba soqty. 49-mınýtta Egor Petýhov mergendik tanytsa, 59-mınýtta Arkadıı Shestakov oıynnyń núktesin qoıdy. Osylaısha «Barys» Prezıdent kýbogynda altynshy ret top jardy.

Buǵan deıin elordalyq komanda 2010, 2011, 2013 jáne 2015 jyldary kýbokty basy­­­­nan asyra kótergen edi. Sonymen qatar Pre­­­zı­dent kýbogynda ár jyldary Sankt-Peter­­­býrgtiń SKA, Ombynyń «Avangard», Novo­­­kýzneskiniń «Metallýrg», Nıj­nekam­ski­­niń «Neftehımık» jáne Habarov­skiniń «Amýr» komandalary jeńimpaz atanǵan bolatyn.

Úshinshi oryn úshin ótken matchta «Torpe­dodan» 2:1 esebimen basym túsken Beıjińniń «Kýnlýn» komandasy týrnırdiń qola júldegeri atandy. Fınaldyq kezdesýden soń Prezıdent kýbogyn uıymdastyrýshylar úzdik oıynshylardy marapattady. Nıkıta Boıarkın («Barys») týrnırdiń úzdik qaqpashysy dep tanylsa, «Saryarqa» sapynan Dmıtrıı Molodsov úzdik qorǵaýshy, Sergeı Golodnıýk úzdik shabýylshy, «Barys» oıynshysy Kodı Kýnık týrnırdiń úzdik bombardıri atandy.

Aıta keteıik, «Barys» endi Qurlyqtyq hokkeı lıgasynyń jańa maýsymyna daıyn­dyǵyn jalǵastyrady. Qazaqstandyq komanda QHL-daǵy alǵashqy oıynyn 3 qyrkúıekte О́fóniń «Salavat Iýlaev» komandasymen ótkizedi.

Sońǵy jańalyqtar

Elordadaǵy JEO-3 bıyl iske qosylady

Elorda • Búgin, 11:10

Almatyda epıdahýal kúrdelenip barady

Koronavırýs • Búgin, 11:00

«Omıkronnyń» bastapqy belgileri qandaı?

Koronavırýs • Búgin, 10:50

Dúısenbige arnalǵan aýa raıy boljamy

Aýa raıy • Búgin, 09:25

«Sary» aımaqta Túrkistan oblysy tur

Koronavırýs • Búgin, 09:10

Oıyn-saýyq ortalyqtary jumysyn toqtatty

Koronavırýs • Búgin, 09:00

Jetisýda juqpaly indettiń ekpini qatty

Koronavırýs • Búgin, 08:57

Koronavırýs qaıta kúsheıdi

Koronavırýs • Búgin, 08:54

Ońtaılysy – onlaın oqý

Aımaqtar • Búgin, 08:53

Qyzmet túrleriniń tizbesin keńeıtti

Ekonomıka • Búgin, 08:50

Sapa artpaıynsha, sýbsıdııa joq

Aımaqtar • Búgin, 08:45

Koronavırýs qaıta órshidi

Álem • Búgin, 08:42

Antıbıotıkti orynsyz qoldaný qaýipti

Medısına • Búgin, 08:35

Vırýs juqtyrý azaımaı tur

Koronavırýs • Búgin, 08:30

Asyǵys sheshim

Qazaqstan • Búgin, 08:15

Kómek kórsetiledi

Qoǵam • Búgin, 08:10

Qor strategııasy ázirlenedi

Qazaqstan • Búgin, 08:00

Uqsas jańalyqtar