Túrkistan oblysynyń polıseıleri esirtkige qatysty qylmystardyń aldyn alyp, boldyrmaý maqsatynda birqatar reıdtik-profılaktıkalyq is-sharalardy ótkizýde. Osy tusta Túrkistan oblysy PD esirtki qylmysyna qarsy is-qımyl basqarmasyna Qazyǵurt aýdanynda ornalasqan demalys oryndarynyń birinde báıdibektik azamatshanyń psıhotropty esirtki zatyn tutynyp jáne ózimen birge tasymaldap júrgeni týraly jedel aqparat túsken.
Tekserý barysynda onyń qol sómkesiniń ishinen paketke salynyp, ızolentaǵa oralǵan úsh dana aq-sary tústi psıhotroptyq esirtkige uqsas zat, eki ampýla «Medaks» tabletkasy jáne jeti dana shprıs tárkilenip alyndy. Qazirgi tańda kúdikti azamatshaǵa qatysty QR QK-niń 296-baby 2-bóligi «Esirtki, psıhotroptyq zattarmen, sol tektestermen ótkizý maqsatynsyz zańsyz jumys» boıynsha tirkelip, sotqa deıingi tergeý amaldary bastaldy. Tıisti sot-saraptamasy taǵaıyndaldy. Saraptama qorytyndysymen alynǵan ósimdik bir gramǵa jýyq sıntetıkalyq esirtkiler «efedron» jáne «mefedron» bolyp shyqty.
