Shymkent qalasy ákimdigi baspasóz qyzmetiniń jazýynsha, qalalyq sıfrlandyrý basqarmasy Qarataý aýdanyna qarasty 4 myńnan astam úıi bar Aqjaıyq shaǵynaýdanyn optıkalyq jeli arqyly sapaly ınternetpen qamtý úshin birqatar jumys atqaryp, jeke ınvestorlarmen kelisim júrgizgen.
Búgingi kúni, «i-LinkNet» JShS mekemesi shaǵynaýdanǵa talshyqty optıka jelisin tolyq júrgizdi. Tórt myńǵa jýyq úıge 400 shaqyrymdyq abonenttik kabel tartty. О́tinish qaldyrǵan 400-den astam otbasy joǵarǵy jyldamdyqty sapaly ınternetke qol jetkizdi.
Sonymen qatar, merdiger kompanııa Dostyq shaǵynaýdanyna da talshyqty optıka jelisin tartty. 2500-ge jýyq úıge talshyqty optıka jelisi jáne 200 shaqyrymdy qamtıtyn abonenttik kabel júrgizildi.
Atalǵan shaǵynaýdannyń ótinish bildirgen alǵashqy 10 úıge ınternet jelisi qosylyp, turǵyndardan qosymsha ótinish qabyldaý júrip jatyr. Naqty ótinimder berilgen jaǵdaıda, merdiger kompanııa shaǵynaýdandy tolyqqandy talshyqty optıka jelisimen qamtamasyz etedi.
Budan ózge, aldaǵy ýaqytta Asar, Samal-3 jáne Nurtas shaǵynaýdandaryna da talshyqty optıka jelisi tartylady.
