Memlekettik granttar shaǵyn kásipkerlik sýbektilerine tek ekonomıkanyń basym sektorlarynda beriledi, osylaısha, eger EQJJ kásipker usynǵan habarlamada tizbege enbese, joba qorǵaýǵa jiberilmeıdi.
Konkýrstyq komıssııa otyrysynyń qorytyndysy boıynsha 68 joba maquldandy, onyń ishinde halyqtyń áleýmettik osal toptaryna jatatyn kásipkerlerdiń 23 jobasy bar.
Baǵdarlamanyń sharttary boıynsha bólingen qarajattyń 20%-y HÁOT-qa jatatyn shaǵyn kásipkerlik sýbektilerine memlekettik granttar berýge baǵyttalady.
«Active life» JK «INvaSTO» mobıldi jyljymaly servıs ortalyǵy sııaqty áleýmettik mańyzy bar jobalardy atap ótken jón, olar Nur-Sultan qalasynyń kez kelgen jerine kelip, sol jerde tehnıkalyq kómek kórsete alady nemese kúrdeli jóndeý júrgizilgen jaǵdaıda ýaqytsha arbamen qamtamasyz ete alady. Sondaı-aq Qazaqstanda alǵashqy otandyq óndiristiń ekzoskeletterin shyǵarýdy josparlap otyrǵan «Bars» JK «Otandyq ekzoskelet óndirisi» ınnovasııalyq bıznes-ıdeıasy qoldaý tapty.
Aıta keteıik, osy jyldyń 28 maýsymy men 12 shildesi aralyǵynda Nur-Sultan qalasynyń Investısııalar jáne kásipkerlikti damytý basqarmasy «Bıznestiń jol kartasy 2025» bıznesti qoldaý men damytýdyń memlekettik baǵdarlamasynyń jumys organy retinde «Qoldau» Sıfrlyq bıznes-platformasy arqyly jańa bıznes-ıdeıalardy iske asyrý úshin memlekettik granttardy berý konkýrsyna shaǵyn kásipkerlik sýbektileriniń ótinimderin qabyldady.
Barlyǵy 335 ótinim kelip tústi, málimetter óńdelgennen keıin 177 joba qorǵaýǵa jiberildi.
