Aımaqtar • 17 Tamyz, 2021

Almatyda táýligine 8 myńǵa jýyq turǵyn jedel járdemge júginedi

87 ret kórsetildi

Almaty qalasy jedel járdem qyzmeti dırektorynyń orynbasary Andreı Lojkın О́ńirlik kommýnıkasııalar qyzmetiniń brıfınginde pandemııa kezindegi feldsherler jumysynyń qıyndyǵy men olarǵa túsetin aýyrtpalyqtar týraly málimdedi, dep jazady Egemen.kz.

Andreı Lojkınniń aıtýynsha, jyl basynda jedel járdem qyzmetine orta eseppen 3200-ge jýyq qońyraý tússe, qazirgi kezde júkteme eki ese ósip, kúnine 6400-ge jýyq adam qońyraý shalady.  

«Eń joǵary kórsetkish shamamen bir apta buryn baıqaldy. Jedel járdem shaqyrǵan ótinishter sany 8 myńǵa jetti. Sonymen qatar jedel járdem brıgadalarynyń júktemesi ósti, kúnine shamamen 15 qońyraý túsedi. Jyl basynda kúnine 8-10 qońyraý shalynatyn. Qalanyń jedel járdem qyzmetine saǵat 10.00-den 15.00-ge deıin jáne 18.00-den 24.00-ge deıingi qarbalas ýaqytta túrli ótinishter túsedi. Keıde shaqyrtýlarǵa qyzmet keshigip kórsetiledi. Bastysy,  pasıent ómirine qaýip tóngen shaqyrtýlarǵa birinshi kezekte qyzmet kórsetiledi», dedi A. Lojkın. 

Ol jedel járdemde jas mamandardyń tapshy ekenin aıtady. Jalpy, jedel járdem qyzmeti tájirıbeli dárigerlermen qamtylǵan. 

Jýrnalısterdiń suraqtaryna jaýap bere otyryp, A. Lojkın jedel járdem shaqyrǵan kezde bastapqy avtomatty sálemdesý 17 sekýndtan 12 sekýndqa qysqarǵanyn málimdedi. Buryn jedel járdemge qońyraý shalý qıyn bolǵany ras, óıtkeni baılanys arnalary shekteýli, 30 ǵana boldy, rezervte turǵany – 20. Búginde Almatyda jedel járdemniń 60 baılanys arnasy iske qosylǵan, dıspetcherler sany da ulǵaıdy – aýysymda 12 adamnan 16 adamǵa deıin bar. 

Jedel járdem qyzmetiniń 103 nómirine habarlasa almaǵan jaǵdaıda derekterdi avtomatty túrde 112 qyzmetine jiberýge bolady.

A. Lojkın fızıkalyq aýyrtpalyqtardan basqa, jedel járdem dárigerlerine moraldyq júktemeniń artqanyn atap ótti.

Sońǵy jańalyqtar

Aqtaý ákimine sógis jarııalandy

Aımaqtar • Búgin, 18:45

Almatyda eki kóshe jartylaı jabylady

Aımaqtar • Búgin, 16:48

Bıyl mektep formasy ózgermeıdi

Bilim • Búgin, 16:14

Dollar qymbattady

Ekonomıka • Búgin, 15:54

Jetisý oblysynyń TJD basshysy taǵaıyndaldy

Taǵaıyndaý • Búgin, 15:08

Aralda jol apatynan bir adam kóz jumdy

Oqıǵa • Búgin, 11:35

Uqsas jańalyqtar