Aımaqtar • 17 Tamyz, 2021

Almatyda shekteý sharalary 1 qyrkúıekke deıin uzardy

82 ret kórsetildi

Almaty qalasynyń bas sanıtarlyq dárigeri Jandarbek Bekshın búgingi О́ńirlik kommýnıkasııalar qyzmetiniń baspasóz konferensııasy barysynda shekteý sharalarynyń nelikten uzarǵanyn túsindirdi, dep jazady Egemen.kz.

J. Bekshın bul sheshimniń epıdemııalyq ahýaldyń ýshyǵýyna, indettiń «delta» shtamynyń tez taralýyna jáne klınıkalyq sımptomdary bar naýqastardyń 94%-ǵa deıin ósýine baılanysty uzarǵanyn atady.

«Almatyda epıdemııalyq jaǵdaıdy turaqtandyrý, ásirese bilim berý mekemelerinde oqytýdy shtatty rejımde uıymdastyrý qajet», dep túsindirdi J. Bekshın.

Sondyqtan Almatyda qoldanystaǵy shekteý sharalary 31 tamyzdy qosa, aıdyń sońyna deıin uzartyldy.

Áleýmettik-ekonomıkalyq nysandar «qońyr qyzyl aımaqqa» qoıylatyn talaptarǵa sáıkes jumys isteıdi.

«Ashyq kóshbasshylary» mártebesi bar nysandarda saǵat 00.00-ge deıin jumys isteýge ruqsat etiledi, munda nysan ishiniń kelýshilerge tolýy 10%-ǵa deıin artýy ári medısınalyq qarsylyqtary barlardy qospaǵanda personaldyń 90 paıyzy vaksınalanýy jáne sońǵy 3 aı ishinde aýyryp emdelgenderdiń qatary 20% bolýy tıis. Ashyq jobasynda jumys isteıtin basqa nysandarǵa saǵat 22.00-ge deıin jumys isteýge ruqsat etilgen.

Ashyq-qa qatyspaıtyn menshik nysanyna qaramastan barlyq kásiporyndar men uıymdardyń qyzmetin toqtatý jalǵasa berdi.

QR Bas memlekettik sanıtarlyq dárigeriniń 2021 jylǵy 29 shildedegi №33-qaýlysynyń 9-tarmaǵynyń 4-bóliginde kórsetilgen uıymdar men obektilerden ózge Ashyq jobasyna qatysýshylardyń barlyq kásiporyndary men uıymdary 2021 jyldyń 17-31 tamyzy aralyǵynda senbi, jeksenbi jáne mereke kúnderi jumystaryn toqtatady.

Qala saıabaqtarynda jaı kúnderi, demalys jáne mereke kúnderi, attraksıondar, bólshek saýda jáne qoǵamdyq tamaqtaný oryndarynyń qyzmetterine tyıym salý kúshinde qalady.

Sondaı-aq Almaty qalasynyń bas sanıtarlyq dárigeriniń qaýlysy boıynsha turaqty medısınalyq qarsy kórsetkishteri bar jáne sońǵy 3 aıda emdelip shyqqandardy qospaǵanda, muǵalimder men tehnıkalyq qyzmetkerlerdi, jataqhanalar men ashanalardyń qyzmetkerlerin vaksınalaýdy aıaqtaý qajet ekendigi kórsetilgen. Medısınalyq qarsy kórsetkishteri bar ári 3 aıda emdelgen naýqastardy qospaǵanda 18 jastan asqan stýdentterge ekpe salýdy aıaqtaý qajet.

Sonymen qatar Qaýlyda stýdentter kóp jınalatyn jerlerde – ashana, dárethanalar, demalys oryndarynda aýa resırkýlıatorlaryn ornatý, mektepterde bastaýysh, orta jáne joǵary synyp oqýshylary bólek esikterden ishke kirýleri tıis. 

Sońǵy jańalyqtar

Ekibastuz qalasynyń ákimi taǵaıyndaldy

Taǵaıyndaý • Búgin, 16:42

Mal dárigerleriniń jalaqysy ósedi

Qazaqstan • Búgin, 16:27

Dollar qymbattady

Ekonomıka • Búgin, 16:15

Elordada Astana Open týrnıri ótedi

Tennıs • Búgin, 14:01

Kúzde aýa raıy qandaı bolady

Aýa raıy • Búgin, 13:33

Ulttyq qorǵa 3,4 trln teńge tústi

Qarjy • Búgin, 12:54

Uqsas jańalyqtar