Ekinshi orta salmaq dárejesinde judyryqtasyp júrgen qazaqstandyq kásipqoı boksshy Álı Ahmedovti aldaǵy kúnderi taǵy bir asa aýyr synaq kútip tur. Jerlesimiz 25 jastaǵy gvatemalalyq boksshy Lester Martınespen kezdesedi. Osy sport túrindegi mansabyn bastaǵanyna eki jyldan endi ǵana asqanyna qaramastan, Álıdiń qarsylasynyń esimi erekshe qurmetpen atalady.

Gvatemalanyń soltústiginde ornalasqan El-Peten departamentine qarasty San-Benıto qalasynyń týmasy alǵashynda áýesqoılar arasynda eleýli tabystarǵa qol jetkizdi. Elishilik jarystarda qarsylas shaq keltirmegen Lester 2012 jyly jasóspirimder arasyndaǵy álem birinshiliginiń kúmis júldegeri atandy. Aqtyq synda ol kýbalyq Kevın Braýnnan utyldy. Osylaısha, Martınestiń esimi álem birinshilikterinde júlde alǵan tuńǵysh gvatemalalyq boksshy retinde tarıhta qaldy.
Jastar býyny arasyndaǵy jarysta jasyndaı jarqyldaǵannan keıin Lester ulttyq qurama sapyna iligip, Ortalyq Amerıka oıyndarynda oza shapty. Eki ret álemdik dodada baq synady. Alaıda bul jarystarda joly bolmady. Eki ret Panamerıka birinshilikterinde óner kórsetti. 2015 jyly shırek fınalda Olımpıada jáne álem chempıony kýbalyq Ronıel Iglesıasqa jol berse, 2017 jyly qola medaldi moınyna ildi. 75 kılo salmaqta kúsh synasqan ol bastapqy básekelerde barlyq qarsylasyn sypyra utyp, shırek fınalda brazılııalyq Ebert Konseısan Soýzany san soqtyrdy. Al dál osy boksshy bıyl Tokıoda alaýy tutanǵan Olımpııa oıyndarynda aıdy aspanǵa bir-aq shyǵaryp, altyn tuǵyrǵa kóterilgeni barshamyzdyń esimizde. Aıtýly jarysta Konseısan bizdiń Ábilhan Amanqul men reseılik Gleb Bakshıden basym tússe, sheshýshi básekede ýkraınalyq Aleksandr Hıjnıakty nokaýtqa jiberdi. Dál sol Soýzadan utylǵan boksshylardyń barlyǵy da ár jyldary álem chempıonattarynda jeńis tuǵyryna kóterilgenin jankúıerler jaqsy biledi.
Desek te Lesterge Panamerıka birinshiliginde bas júldeni oljalaý baqyty buıyrmady. Tegýsıgalpada ótken jarystyń fınaldynda ol álem jáne qurlyq birinshilikteriniń jeńimpazy, Olımpıada chempıony Arlen Lopesten utyldy. Kýba qabylanyna jibergen esesin ol 2018 jyly Ortalyq Amerıka jáne Karıb basseıni oıyndarynda qaıtardy. Fınaldyq saıysta eki myqtynyń joly qaıta qıysyp, bul básekede Martınestiń mysy basym boldy.
Gvatemala boksshysynyń basty armany Tokıo Olımpıadasyna qatysý edi. Biraq Japonııadaǵy jarys bir jylǵa keıin shegerilgennen keıin Lester kásipqoılar arasynda kúsh synasýdy qup kórdi. Osy oraıda ol ózin naǵyz pancher retinde moıyndatty. 2019 jyldyń kóktem aılarynan beri toǵyz ret sharshy alańǵa kóterilgen Martınes barlyq básekede aıqyn basymdyq tanytty. Bir keremeti, ol qarsylastarynyń denin belgilengen raýndtardyń bel ortasyna jetkizbeı sulatyp saldy. Onymen eń uzaq aıqasqan Gabrıel Lopes eken. Bıyl 3 sáýirde Meksıkanyń Los-Mochıs qalasynda ótken jekpe-jekte Lester jergilikti boksshyny tórtinshi raýndta esinen tandyrdy.
Al 26 jastaǵy Álı Ahmedovtiń júrip ótken joly kóz aldymyzda. Almaty oblysyndaǵy Ile aýdanynyń týmasy áýesqoı rıngte de ózin jaqsy qyrynan kórsetti. Bilikti bapker Saǵatbek Musahanovtyń qol astynda jattyqqan ol Qazaqstan chempıonatynyń qola júldegeri, stýdentter arasynda álem chempıony jáne birqatar halyqaralyq týrnırdiń jeńimpazy atandy. Álıdiń kásipqoı rıngte óner kórsetip júrgenine alty jylǵa jýyqtady. Sol aralyqta 17 kezdesý ótkizip, 16 ret jeńiske jetti. 12 qarsylasyn nokaýtpen utty.
Byltyr jeltoqsan aıynda Ahmedovtiń IBF nusqasy boıynsha álem chempıony atanýǵa tamasha múmkindigi boldy. AQSh-tyń Florıda shtatynda ótken jekpe-jekte ol asa tájirıbeli ekvadorlyq Karlos Gongoramen judyryqtasty. Bul jekpe-jekte Ahmedov áldeqaıda alymdy kórindi. Báseke tizgini bizdiń boksshynyń qolynda boldy. Ol upaı sanymen alda kele jatty. Alaıda 12 raýndta jerlesimiz Gongoranyń aýyr soqqysyn jiberip aldy. Saqa sportshy qarsylasynyń sál bosańsyǵan sátin qalt jibermedi. Osy soqqydan keıin Álı esin jııa almady. Nokaýt!
Sońǵy jekpe-jegindegi sátsizdigine qaramastan, osy salada júrgen maıtalman mamandardyń deni Álı Ahmedovtiń áleýeti zor dep esepteıdi. Boksshynyń ózi de joǵarydaǵy jaǵdaıdy kezdeısoqtyq deıdi. Sol sebepti de ol aldaǵy kezdesýlerge tyńǵylyqty daıarlanyp, qaıtsem de kózdegen maqsatyma qol jetkizemin dep qulshynyp otyr. Al Álıdiń kózdegeni – álemdik táj!
«Qazaqstan barysynyń» jeńimpazy anyqtaldy
Sport • Keshe
Jolaýshylar tasymaly: Baǵa joǵary, sapa tómen
Qoǵam • Keshe
Álem • Keshe
Saılaýdy QHR men Aýstralııa baqylaıdy
Álem • Keshe
Álem • Keshe
Jańarǵan Konstıtýsııa: Ne? Qashan? Qalaı?
Qazaqstan • Keshe
Jańa saıası mádenıetti qurýdaǵy mańyzdy qadam
Qazaqstan • Keshe
Zaýyttyń máselesi «vagon-vagon»...
Aımaqtar • Keshe
Deldal kompanııalar: Ekonomıkanyń dosy ma, qasy ma?
Ekonomıka • Keshe
Erkin Tuqymov: Álemde jas ǵalymdar úshin kúres júrip jatyr
Suhbat • Keshe
Múgedektigi bar jeti myńnan astam adam jumysqa ornalasty
Qoǵam • Keshe
Kıberqylmyspen kıberzańger kúresýge tıis
Qoǵam • Keshe
Aımaqtar • Keshe
Shymkent bıýdjeti 4 jylda 4 ese ósti
Aımaqtar • Keshe
Tarıh • Keshe
Tarıh • Keshe
Sanadaǵy silkinis nemese kúreskerdiń qalyptasýy
Ahmet Baıtursynuly • Keshe
Memlekettik qyzmetti basqarýdaǵy sıfrly ınnovasııalar
Qoǵam • Keshe
Mobıldi ınternetti tutynatyndar kóbeıdi
Qoǵam • Keshe
Tennısshiler «Prezıdent kýbogynda» baq synaıdy
Tennıs • Keshe
Tumandy Albıonda top jarǵan komanda
Aımaqtar • Keshe
Rýhanııat • Keshe
13 óńirde aýa raıyna baılanysty eskertý jarııalandy
Aýa raıy • Keshe
SQO-da balyq aýlaý tártibin buzǵandar jazalandy
Qoǵam • Keshe
QR SIM О́zbekstandaǵy jaǵdaıǵa qatysty málimdeme jasady
Qazaqstan • Keshe
Almatyda 36 gradýs ystyq bolady
Aýa raıy • Keshe
Tehas shtatynda atys bolyp, 3 adam qaza tapty
Álem • Keshe
3 shildege arnalǵan aýa raıy boljamy
Aýa raıy • Keshe
Almatydaǵy qurylys bazarynda órt shyqty
Aımaqtar • Keshe
Tennısshi Dmıtrıı Popko Ispanııada chempıon atandy
Tennıs • Keshe
Vaksına saldyrǵan qazaqstandyqtardyń sany naqtylandy
Koronavırýs • Keshe
Almaty mańynda jer silkinisi boldy
Aımaqtar • Keshe
Koronavırýs juqtyrýdyń 188 jaǵdaıy anyqtaldy
Koronavırýs • Keshe
Kásipkerden 50 mln teńge bopsalaǵan bloger qamaýǵa alyndy
ANTIKOR • Keshe
Elordada aýylsharýashylyq jármeńkeleri ótip jatyr
Elorda • Keshe
Prezıdent qazaqstandyqtardy Ulttyq dombyra kúnimen quttyqtady
Prezıdent • Keshe
Qazaqstan • Keshe
51,4 myńǵa jýyq adam áleýmettik tólem aldy
Qoǵam • 02 Shilde, 2022
Senat janynan ǵylymdy damytý jónindegi jumys toby qurylady
Ǵylym • 02 Shilde, 2022
Elordada jyl basynan beri 430 júrgizýshi jol erejelerin buzǵan
Qoǵam • 02 Shilde, 2022
Uqsas jańalyqtar