О́ńirdegi jaǵdaıdy qadaǵalaý jáne taldaý, kúshter men quraldardyń táýliktik kezekshiligin uıymdastyrý boıynsha mindetter qoıyldy. Joǵary qyraǵylyqty qamtamasyz etý maqsatynda áskerı qyzmetshilerdiń kezekshilik atqarýy boıynsha júktemeni birdeı bólý qajettiligine nazar aýdaryldy. «Týyndaıtyn syn-qaterdi udaıy baǵalap, qazirgi ýaqytta biz úshin anaǵurlym mańyzdy jáne negizgi kúsh-jigerdi qaıda baǵyttaý kerek ekenin aıqyndaý qajet», deıdi Qorǵanys mınıstri, general-leıtenant Nurlan Ermekbaev.
Aldaǵy aptada vzvodtardyń jaýyngerlik oq atýy, áskerı mindettilermen jıyndar, batalondarmen baqylaý sabaqtary josparlanyp otyrǵan áskerlerdegi jaýyngerlik oqý-jattyǵý barysy týraly baıandaldy. Zapastaǵy, ásirese tapshy mamandyǵy bar ofıserlerdi áskerı qyzmetke shaqyrý máselesi kóterildi. Atap aıtqanda, armııanyń epıdemııaǵa qarsy is-sharalarǵa qatysýy zapastaǵy ofıserler baǵdarlamasy boıynsha áskerı kafedralarda daıyndalatyn jáne ofıser ataǵyn alǵannan keıin armııada qyzmet ótkergisi kelmeıtin áskerı dárigerlerdiń qajet ekenin kórsetti.
Zańnamaǵa ofıser áskerı ataǵyn alǵan áskerı kafedrany bitirýshilerdi mindetti túrde áskerı qyzmet ótkerý úshin áskerge shaqyrý boıynsha túzetýler engizý máselesi talqylandy. «Barlyq stýdentter men joǵary oqý oryndarynyń basshylary áskerı kafedrada oqý – oıyn-saýyq jáne zapastaǵy ofıserdiń áskerı bıletti alý tásili emes, eń aldymen – el múddesi úshin Qarýly Kúshterde qyzmet etýge daıyn ekenderin túsinýi tıis», dedi vedomstvo basshysy.
Kúzde áskerge shaqyrý naýqanyna daıyndalý sheńberinde áskerı bólimder kazarmalyq-turǵyn úı qorynyń jaı-kúıi qaraldy. Merdiger uıymdardyń jeke ǵımarattardy jóndeý qarqynynyń jetkiliksiz bolýy týraly aıtyldy. Olar belgilengen merzimde tapsyrylmaýy múmkin. Mundaı buzýshylyq birinshi ret bolyp otyrmaǵany atap ótildi, óıtkeni keıbir jaǵdaıda qurylys boıynsha qyzmetterdi kórsetýge arnalǵan konkýrstardy áskerı obektilerde jumys isteý tájirıbesi joq, tómen baǵa esebinen «kezdeısoq» uıymdar jeńip alady. Jalpy, qazirgi kezde Qarýly Kúshterdegi ǵımarattardy salý jáne kúrdeli jóndeý salasyndaǵy aýtsorsıngtiń qoldanystaǵy júıesi merzimderge, jumys sapasyna jáne qorǵanys jaǵdaıyna teris áser etetin kóptegen kemshilikterdi anyqtaıdy. Aldaǵy ýaqytta osyndaı jaǵdaılarǵa jol bermeý boıynsha júıeli usynystar engizýge, sondaı-aq kazarmalyq-turǵyn úı qorynyń ýaqtyly berilýin qamtamasyz etýge nusqaýlar berildi.
