Komıtet tóraǵasynyń aıtýynsha, QR UEM Tabıǵı monopolııalardy retteý komıteti tabıǵı monopolııalar salasyndaǵy zańnamany buzǵany úshin byltyr 1 mlrd teńge kóleminde ákimshilik aıyppul taǵaıyndady.
Sondaı-aq Prezıdenttiń 2019 jylǵy 19 maýsymdaǵy tapsyrmalaryn oryndaý aıasynda turǵyn úı kommýnaldyq sharýashylyq salasynda tabıǵı monopolııalar sýbektileriniń tutynýshylardyń qarajatyn maqsatty paıdalanýǵa jáne kommýnaldyq qyzmetti yntalandyrý qatynasyn qalyptastyrýǵa arnalǵan sharalar qabyldandy.
Komıtettiń deregine súıensek, atalǵan baǵytta ákimshilik quqyqbuzýshylyq boıynsha 412 qaýly shyǵarǵan.
«Onyń ishinde memleket kirisine 631,2 mln teńge, 2021 jyldyń 1-jartyjyldyǵy úshin ákimshilik aıyppuldar – 332,8 mln teńge, onyń ishinde memleket kirisine 173,7 mln teńge óndirildi. Memlekettik baqylaýdy júzege asyrý aıasynda 2020 jyly Qazaqstan Respýblıkasy Tabıǵı monopolııalar salasyndaǵy zańnamasyn buzýshylyqtardy joıý týraly 390 nusqama engizilip, 244-i oryndaldy.
2021 jyldyń 1-jartyjyldyǵynda tabıǵı monopolııalar týraly zańnama normalarynyń buzylýyn joıý týraly 270 uıǵarym engizildi, onyń 162 uıǵarymy oryndaldy», dedi ol.
