Aımaqtar • 18 Tamyz, 2021

Elimizde aýyldyq kitaphanalar qoryn tolyqtyrý aksııasy bastaldy

650 ret

kórsetildi

1 mın

oqý úshin

Otbasy kúni qarsańynda Qazaqstanda «Aýylyma kitap» aýyldyq kitaphanalarynyń kitap qoryn tolyqtyrý boıynsha respýblıkalyq qaıyrymdylyq aksııasy júzege asyrylýda, dep habarlaıdy Egemen.kz QR Aqparat jáne qoǵamdyq damý mınıstrliginiń baspasóz qyzmetine silteme jasap.

Botakóz BAQBERGEN

Elimizde aýyldyq kitaphanalar qoryn tolyqtyrý aksııasy bastaldy

Qazaqstannyń barlyq óńirleriniń aýyldyq kitaphanalaryna kitaptardy jınaý jáne jetkizý 2021 jylǵy 16 tamyz ben 20 qyrkúıek aralyǵynda júrgiziledi. Aksııaǵa qatysýǵa bastamashyl toptar, kommersııalyq uıymdar jáne balalardy oqytý máselelerine beı-jaı qaramaıtyn barlyq adamdar shaqyrylady.

Qajetti kitaptardyń sıpattamasy:

Janry – qazirgi zamanǵy balalar jáne jastar ádebıeti;

Formaty – qaǵaz jáne (nemese) elektrondyq tasyǵyshtarda;

Tilderi - qazaq, orys jáne aǵylshyn.

Balalar men jasóspirimderge arnalǵan ústel oıyndaryn da usynýǵa bolady. Aksııanyń maqsaty - shalǵaıdaǵy eldi mekenderde turatyn óskeleń urpaqtyń boıynda oqý mádenıetin ilgeriletý jáne aýyl mektepteriniń kitaphana qoryn keńeıtý arqyly joǵary azamattyq jáne rýhanı-adamgershilik baǵdarlardy qalyptastyrý.

Elektrondy formattaǵy kitaptar jakupova@cisc.kz poshtasyna jiberýge bolady.