Kezdesýde aımaq basshysy sportshynyń jetistikterin joǵary baǵalap, ol tek Jambyl oblysynyń ǵana emes, elimizdiń namysyn abyroıly qorǵap, mereıin tasytyp júrgenin aıryqsha atap ótti.
«Jambyl jerinen shyqqan sport sańlaqtary az emes. Solardyń biri de biregeıi – Eldos Smetov dep bilemiz. Seniń jetistigiń, sporttaǵy tabystaryń – búgingi jas órenderge úlgi-ónege. Sen ózińniń myqty sportshy ekenińdi taǵy da dáleldeı tústiń. Barsha jankúıerlerdiń úmitin aqtadyń», dedi Berdibek Saparbaev.
Sondaı-aq oblys ákimi Eldos Smetovke jańa avtokóliktiń kiltin tabystap, aldaǵy ýaqytta da el sportyn damytý jolyndaǵy eńbegine sáttilik tiledi. Al, jattyqtyrýshysy Ǵalymjan Jylgeldıevke 1 mıllıon teńgeniń sertıfıkaty tabys etildi.
