18 tamyz kúni keshke saǵat 18:39-da elordalyq 101 qutqarý qyzmetiniń pýltine Saryarqa aýdany Aqqorǵan kóshesindegi Esil ózenine batyp ketken qyz týraly habarlama kelip tústi.
Tótenshe jaǵdaı ornyna jedel túrde 4 qutqarýshy men 1 tehnıka jiberildi. Shaqyrý ornyna kelgennen keıin qalyptasqan jaǵdaıdy baǵalap, súńgýirler toby ózen túbin zertteı bastady. Jóndeý jumystary, sondaı-aq sý qoımasynyń batpaqty jáne sazdy túbi izdeý jumystaryn qıyndatty, sondyqtan bul jerde sýǵa túsýge tyıym salynǵan. Qutqarýshylar saǵat 20:17-de súńgýir jabdyǵynyń kómegimen sýdan 2008 jyly týǵan qyzdyń denesin alyp shyqty.
Shomylý maýsymy bastalǵannan beri Nur-Sultan qalasynyń aýmaǵynda 9 adam sýǵa ketti, onyń ishinde 5-ýi bala. Qaza bolýdyń barlyq faktileri shomylýǵa tyıym salynǵan jáne jabdyqtalmaǵan jerlerde tirkelgen.
Shomylý maýsymy bastalǵannan beri qalalyq polısııa qyzmetkerleri tyıym salynǵan jerlerde jalpy sý paıdalaný - shomylý erejelerin buzǵan tulǵalarǵa qatysty 563 ákimshilik hattama toltyrdy. Sondaı-aq, TJ departamentiniń qyzmetkerleri eriktilerdiń qatysýymen ótken reıdtik is-sharalar barysynda 55 myńnan astam eskertý paraqshalary men jadynamalardy taratty.
«Alaıda, júrgizilip jatqan sharalarǵa qaramastan, belgilenbegen jerlerde halyqtyń sýǵa túsý faktileriniń sany artýda. Ásirese, balalar óliminiń faktileri basym», dedi TJM.
