Qyzylorda oblysy Polısııa departamentiniń Esirtki qylmysyna qarsy is-qımyl basqarmasymen júrgizilgen jedel-izdestirý is-sharalarynyń nátıjesinde Qyzylorda qalasynyń 48 jastaǵy turǵyny esirtkiniń zańsyz aınalymymen aınalysqany úshin ustaldy.
Onyń turǵylyqty mekenjaıynyń aýlasyna qarap-tekserý jumystaryn júrgizý barysynda árqaısysy 3-4 metr bıiktikke deıin ósirilip, baptalǵan myń túpten asa sora ósimdigi anyqtaldy.
Odan bólek sora ósimdigin keptirip, daıyndalǵan 2 qapqa jáne kólemi 5 lıtr bolatyn 5 dana plastıkalyq ydysqa nyǵyzdalyp, salynǵan ózine tán erekshe hosh ıisi bar esirtki zatyna uqsas shóp untaqtary anyqtalyp, zattaı dáleldeme retinde alyndy. Taǵaıyndalǵan saraptamanyń qorytyndysyna sáıkes, jalpy salmaǵy 320 keliden asatyn 1089 túp sora ósimdigi jáne 4 keliden asatyn marıhýana esirtki zatyna jatatynyn bekitken.
