Ońtústik shahardaǵy Onkologııa ınstıtýtyna 41 jastaǵy naýqas arqasy qatty aýyryp júrgenin aıtyp, qaralýǵa kelgen. Jon arqasyndaǵy isiktiń kesirinen naýqastyń júrip-turýy, jatýy qıyndaı túsken.
Buǵan deıin de ol Almatydaǵy túrli aýrýhanalarǵa júgingen, biraq oǵan operasııany tek QazOjRǴZI-da ǵana jasatýǵa bolatyn edi. О́ıtkeni mundaǵy medısınalyq tehnologııalar arqyly osynaý kúrdeli operasııany jasaýǵa múmkindik bar.
«Bizdiń kómegimizge júgingen 1980 jylǵy naýqastyń úshinshi bel omyrtqasy isikpen zaqymdanyp, ol kompressııalyq synýǵa ulasyp, derti asqynǵan. Isik prosesi julynnyń tamyrlaryn qysyp tastaǵan, bul pasıenttiń júrgen kezinde qatty aýyrtqan. Sol sebepti naýqas aqsap júrgen, kesel janyna batyp, uıyqtaı almaǵandyqtan únemi aýyrsynýdy basatyn dári ishýge májbúr bolǵan. Kompıýterlik tomografııada biz omyrtqanyń tolyq zardap shekkenin kórdik. Isikti alyp tastaý jáne zaqymdalǵan omyrtqany arnaıy metall konstrýksııalarynyń kómegimen qalpyna keltirý úshin hırýrgııalyq aralasý – spondılodez jasaý týraly sheshim qabyldandy. Isiktiń ózi qaterli nemese qatersiz ekenin anyqtaý úshin gıstologııaǵa jiberildi», dedi QazOjRǴZI neıroonkologııa ortalyǵynyń neıroonkolog-hırýrgi Aıdar Ysqaqov.
Spondılodez – óte joǵary dárejeli arnaıy quraldardy qoldanatyn joǵary tehnologııalyq operasııa. Hırýrgııalyq aralasý rentgen sáýlesiniń edáýir dozasyn qoldaný arqyly júzege asyrylady. Sondyqtan hırýrgter arnaıy qorǵanys qorǵasyn jabdyqtaryn kıip, jumys isteıdi.
«Birinshi kezeńde pasıenttiń osin qalpyna keltirý jáne omyrtqanyń qysylýyn joıý úshin transpedıkýlıarlyq bekitý jasalady. Sodan keıin omyrtqalarǵa arnaıy burandalar ornatylady, olardyń arasyna tıtan qurylymy bekitiledi. Munyń bári rentgen baqylaýymen, portatıvti rentgen qondyrǵysynyń kómegimen júzege asyrylady. Operasııanyń uzaqtyǵy úsh saǵatqa jýyq», deıdi QazOjRǴZI neıroonkologııa ortalyǵynyń meńgerýshisi Berik Isataev.
Qazirgi ýaqytta dárigerler naýqastyń jaǵdaıy jaqsy bolǵandyqtan úıine shyǵarýǵa daıyndap jatyr eken.
Jańalyqtyń jaqsysy – joǵary tehnologııalyq jáne qymbat turatyn spondılodez otasy Qazaq onkologııa jáne radıologııa ǵylymı-zertteý ınstıtýtynda osyǵan muqtaj barlyq pasıentter úshin qoljetimdi ekenin atap ótken jón. Ol úshin emdeýge jatqyzý portaly arqyly joldama alý qajet.
ALMATY
