Kezdesýge QR AQDM apparatynyń basshysy Aıjan Shaınazarova, «Adaldyq alany» jobalyq keńsesiniń basshysy Tımýr Jumyrbaev, Jastar jáne otbasy isteri komıtetiniń tóraǵasy Shahmardan Baımanov, «Azamattyq bastamalardy qoldaý ortalyǵy» KEAQ Basqarma Tóraıymy Lıma Dıas jáne «Damý» Qazaqstandyq qaýymdastyǵy» ZTB ókilderi qatysty.
Vedomstvo baspasóz qyzmetiniń jazýynsha, bul yntymaqtastyq sybaılas jemqorlyqqa múldem tózbeý mádenıetin birlese otyryp damytýdy kózdeıdi. Onyń aıasynda jastar men stýdentter uıymdaryna bilim berý trenıngteri ótkiziledi, sybaılas jemqorlyqqa qarsy is-qımyl taqyrybynda áleýmettik beınerolıkter jasalady, sondaı-aq shyǵarmashyl jastardy qoldaý maqsatynda esse men sýret konkýrsy jarııalanady. Atalǵan bastamalar jastar arasynda sybaılas jemqorlyqqa qarsy mádenıet qalyptastyrýǵa baǵyttalǵan.
«Búginde dál osy jastar qoǵamdaǵy úrdisterdi jıi qalyptastyrady. Biz úshin qazirgi jastardyń sybaılas jemqorlyqqa «múldem tózbeýshilik» qaǵıdatyn ustanýy mańyzdy. Bul stýdentter úshin de, jumysshy jastar úshin de ózekti», dep atap ótti «Adaldyq alany» jobalyq keńsesiniń jetekshisi T.Jumyrbaev.
Qujatqa «Azamattyq bastamalardy qoldaý ortalyǵy» KEAQ qoldaýymen iske asyrylatyn «Jastardyń sybaılas jemqorlyqqa qarsy mádenıetin qalyptastyrý boıynsha is-sharalar keshenin ótkizý» jobasy sheńberinde qol qoıyldy.
