О́TKENGE — QURMET, BOLAShAQQA — SENIM

Keshe Elbasynyń “Aqorda” rezıdensııasynda Memlekettik hatshy – Syrtqy ister mınıstri Qanat Saýdabaevtyń tóraǵalyǵymen Qazaqstan Respýblıkasy Prezıdentiniń janyndaǵy Memlekettik nagradalar jónindegi komıssııanyń kezekti májilisi bolyp ótti. Atalǵan komıssııanyń kezekti otyrysynyń ereksheligi onyń Uly Jeńistiń 65 jyldyǵy qarsańynda ótip otyrǵandyǵynda. Q.Saýdabaev óz sózinde bylaı dedi: “Búgingi kún­deri adamzat tarıhyndaǵy eń qan­tó­gisti soǵystyń uly batyrlary­nyń bizdiń aramyzdaǵy sany azaı­yp barady, Uly Otan soǵysy ar­da­gerlerine qamqorlyq pen shy­naıy qurmet kórsetý – biz úshin qa­sıetti paryz”. Memleket basshysy N.Nazar­baev táýelsizdik alǵan jyl­dan bastap, jeńimpaz urpaq ókil­de­ri­niń jaǵdaıyn jaqsartýǵa jiti kó­ńil bólip keledi. Elbasynyń tap­syr­masyna oraı komıssııa soǵys ardagerlerine jáne tyl eńbek­ker­lerine tıisti qurmet kórsetý maq­sa­tynda ortalyq jáne jergilikti atqarýshy organdar tarapynan joldanǵan tizimderdi qarady. Osy ret­te Qanat Bekmyrzauly: “Meniń paıymymsha, biz bul erlikterdi  ós­keleń urpaqty tárbıeleýdiń, táýel­siz Qazaqstan azamattary úshin Otan­ǵa qajyrly da sheksiz qyzmet etýdiń jarqyn mysaly retinde paı­dala­nýymyz kerek dep oılaımyn”, dedi. Uly Otan soǵysy shynymen de kópetnosty Qazaqstan halqynyń árbir otbasynda derlik óziniń qaı­ǵyly izin qaldyrǵany belgili. Maı­danǵa elimizden 1,2 mıllıon qazaq­standyq qoldaryna qarý alyp so­ǵysqa attansa, sonyń teń jarymy urys dalalarynda qaza tapty. Búgingi tańda elimizde 14 400 Uly Otan soǵysy ardageri men 258 myń tyl eńbekkeri bar eken. Eger ótkenimizdi rızashylyqpen este saqtamasaq, onda jarqyn bolashaqtyń bolýy da múmkin emes. Q.Saýdabaev osylaı deı kelip, sózin bylaısha órbitti: “Biz, táýel­siz Qazaqstannyń azamattary, Uly Jeńis batyrlarynyń erligin ta­rıhymyzda saqtap, súıispenshilik pen qamqorlyq tanytyp, elimiz úshin eren eńbek etýge, Otan úshin jańa jetistikterge jetýge tıispiz. Uly Jeńistiń 65 jyldyǵy qar­sańynda memlekettik nagradalar tap­syrý – bul Uly Otan soǵysy­nyń qatysýshylary men tyl eń­bek­kerlerine jáne olardyń uly erligine Elbasy Nursultan Nazar­baevtyń erekshe qurmeti men shy­naıy qamqorlyǵy”. Komıssııa otyrysynda usy­nyl­ǵan kandıdatýralar Mem­le­ket basshysynyń qaraýyna jibe­rildi. Nagradtaý týraly sheshimdi Elbasy Uly Jeńis merekesiniń 65 jyl­dyǵy qarsańynda qabyl­daıdy. Asqar TURAPBAIULY.