Aımaqtar • 21 Tamyz, 2021

Qyzylordada tehnıkalyq reglament talaptaryna saı kelmeıtin tamaq ónimderi anyqtaldy

33 ret kórsetildi

Qyzylorda oblysynda tehnıkalyq reglament talaptaryna saı kelmeıtin tamaq ónimderi anyqtaldy, dep habarlaıdy Egemen.kz Qyzylorda oblysynyń sanıtarııalyq-epıdemıologııalyq baqylaý departamentine silteme jasap.

Departament shilde aıynda oblys aýmaǵyndaǵy saýda oryndarynan 136 ónim synamasyn iriktep, zerthanalyq saraptama júrgizgen. Atalǵan ónimderdiń basym bóligin taǵam ónimderin quraıdy. Onyń ishinde otandyq, Eýrazııalyq ekonomıkalyq odaqqa múshe elderde jáne ózge elderde óndirilgeni de bar.

Júrgizilgen saraptamalar nátıjesinde 5 synama tehnıkalyq reglament talaptaryna saı bolmaı shyqty. 4 synamada fızıkalyq-hımııalyq kórsetkishter jáne 1 synamada tańbalaý talaptary sáıkes kelmedi. Sáıkessizdikterdiń barlyǵy tamaq ónimderinen anyqtaldy. Onyń ishinde et jáne qus eti, kondıter ónimderi, alkogolsiz sýsyndar bar.

«Sanıtarııalyq-epıdemıologııalyq saraptama qortyndysy boıynsha tehnıkalyq reglament talaptaryna saı kelmeıdi dep tanylǵan synamalardyń barlyǵy Eýrazııalyq ekonomıkalyq Odaqqa múshe elderde óndirilgen. Atalǵan ónimder boıynsha 2 kásipkerlik sýbektisine QR-nyń halyqtyń sanıtarlyq-epıdemıologııalyq salaýattylyǵy salasyndaǵy zańnamasy talaptaryn buzýshylyqty joıý jónindegi nusqamalar berildi», dep málim etti Qyzylorda oblysynyń sanıtarııalyq-epıdemıologııalyq baqylaý departamenti.



Sońǵy jańalyqtar

Vaksına saldyrǵandar sany artty

Koronavırýs • Keshe

905 adamnan koronavırýs anyqtaldy

Koronavırýs • Keshe

Uqsas jańalyqtar