Prezıdent • 22 Tamyz, 2021

Memleket basshysy «Qaısar-2021» oqý-jattyǵýyna bardy

134 ret kórsetildi

Qazaqstan prezıdenti Qasym-Jomart Toqaev - Qarýly Kúshterdiń Joǵarǵy Bas qolbasshysy Almaty oblysyndaǵy QR IIM Ulttyq ulany bólimsheleriniń jaýyngerlik jáne ádistemelik daıyndyq ortalyǵy bazasynda ótken «Qaısar-2021» jedel-taktıkalyq oqý-jattyǵýyn tamashalady, dep habarlaıdy Egemen.kz Aqordaǵa silteme jasap.

Memleket basshysyna arnaıy bólimshe qyzmetkerleriniń kórsetilimderi kórsetildi. Is-shara barysynda Qasym-Jomart Toqaev jattyǵý júıelerin, skalodromdy, oqý ortalyǵynyń mýltımedııalyq tırlerin qarap shyqty.

1

Oqý-jattyǵýǵa qatysýshylar aldynda sóılegen sózinde Joǵarǵy Bas qolbasshy quqyq qorǵaý organdary Qazaqstannyń myqty memleket retinde qalyptasýyna eleýli úles qosyp otyrǵanyn atap ótti.

«Sizderdiń qajyrly qyzmetterińizdiń arqasynda bizdiń elimizde qoǵamdyq tártip ornady. Qylmysqa qarsy kúres jáne azamattardyń qaýipsizdigin qamtamasyz etý - óte qıyn is. Tártip saqshylary kez-kelgen ýaqytta qaýip-qaterden arylýǵa daıyn bolýy kerek. Bul úlken jaýapkershilik pen janqııarlyqty qajet etedi. Polısııa qyzmetkerleri árqashan qyraǵylyq pen joǵary daıyndyqty saqtaýy kerek. Sondyqtan mundaı oqý-jattyǵýlar kásibı sheberlikti arttyrý úshin óte mańyzdy», dedi Qasym-Jomart Toqaev.

2

Prezıdent Quqyq qorǵaý organdaryndaǵy qyzmet joǵary fızıkalyq jáne psıhologııalyq júktemelermen, kóbinese ómir úshin naqty táýekelmen baılanysty ekenin erekshe atap ótti.

«Táýelsizdik jyldary Ishki ister organdarynyń 802 qyzmetkeri men Ulttyq ulannyń áskerı qyzmetshileri óz mindetterin oryndaý kezinde qaza tapty. Olar sońyna deıin antyna adal boldy. Olar týraly estelik máńgilik bolady. Kórsetken qaısarlyǵy men batyldyǵy úshin sizderdiń 1567 qyzmetshińiz ordender men medaldarmen marapattaldy», dedi ol óz sózinde.

3

Joǵarǵy Bas qolbasshy óz sózinde quqyq qorǵaý qurylymdarynyń shtattyq quramynyń áleýmettik paketin jaqsartý máselelerine toqtalyp ótti.

«Aldaǵy úsh jyl ishinde ishki ister organdary qyzmetkerleriniń laýazymdyq jalaqysy orta eseppen 30%-ǵa artady. Bul maqsatqa 100 mıllıard teńgeden astam qarjy qarastyrylǵan. Ulttyq ulannyń áskerı qyzmetshilerin aı saıynǵy aqshalaı qamtý kezeń-kezeńimen ulǵaıýda. 2021-2023 jyldary ofıserlerde ol 70%-ǵa, al kelisimshart boıynsha áskerı qyzmetshilerde 60%-ǵa ósedi. 2024 jyldyń sońyna deıin arnaıy maqsattaǵy bólimshelerde qyzmet atqaratyn barlyq kelisimshart jasaýshylarǵa ofıserlik ataq beriledi. Jyl saıyn qomaqty qarajat turǵyn úımen qamtamasyz etýge jumsalady. Búginde turǵyn úı tólemderin alýshylar 24 myń polısııa qyzmetkeri jáne 13,5 myńnan astam áskerı qyzmetshi bolyp tabylady. Qoǵamdyq tártip pen qaýipsizdikti saqtaýda turǵandardy keshendi áleýmettik qoldaý árqashan bizdiń memleketimizdiń basymdyqtarynyń biri bolady», dedi Prezıdent.

4

Qasym-Jomart Toqaev ótkizilgen jedel-taktıkalyq oqý-jattyǵýlardyń qorytyndylaryn saralaı otyryp, IIM-niń daǵdarystyq jaǵdaılardyń aldyn alý jáne jolyn kesý jónindegi mindetterdi tıimdi sheshýge daıyndyǵyn kórsetkenin erekshe atap ótti.

«Halyqaralyq jaǵdaıdyń shıelenisýi jaǵdaıynda bizdiń kúsh qurylymdarymyz barynsha jumyldyrylýy kerek. Biz Aýǵanstandaǵy jaǵdaıǵa qatysty qoǵamdaǵy alańdaýshylyqtyń artqanyn kórip otyrmyz. Bul elde bolyp jatqan oqıǵalar Qazaqstanǵa tikeleı qaýip tóndirmeıdi, biraq, sózsiz, belgili bir qaýip-qaterler týǵyzady. Sondyqtan biz osy jaǵdaıdyń damýyn muqııat qadaǵalap, kez kelgen syn-qaterlerge laıyqty jaýap berýge daıyn bolýymyz kerek», dep sanaıdy Joǵarǵy Bas qolbasshy.

5

Qasym-Jomart Toqaev kúsh qurylymdarynyń qyzmetkerlerine arnaǵan sózinde óskeleń urpaqtyń olarǵa teń keletinin eske saldy.

«Sizder tártip saqshylarynyń qurmetti ataǵyna saı bolýyńyz kerek. Sizderdiń jumystaryńyzǵa eń joǵary baǵa berý - bul halyqtyń senimi men alǵysy. Ishki ister organdarynyń qyzmetkerleri bul senimdi aqtaıtynyna senimdimin!», dep túıindedi Prezıdent.

Is-shara barysynda Ishki ister mınıstri Erlan Turǵymbaev Joǵarǵy Bas Qolbasshyǵa IIM qyzmetkerleriniń qoǵamdyq qaýipsizdikti qamtamasyz etý jónindegi mindetterdi oryndaýǵa daıyndyǵy týraly baıandap, arnaıy áskerı tehnıka men qarý-jaraq úlgilerin tanystyrdy.

6

Sońǵy jańalyqtar

Agrosalada ilkimdi ister kóp

Aımaqtar • Keshe

«Aıqaıdyń» astary

О́ner • Keshe

Baıron uıyǵy

Ádebıet • Keshe

Berikqara shatqalyndaǵy baılyq

Ekologııa • Keshe

Qasteev qazynalary

О́ner • Keshe

«Balapan qazdyń» tarıhy

О́ner • Keshe

Abaı kúni atalyp ótti

Abaı • Keshe

Kún gúli

Tanym • Keshe

Uqsas jańalyqtar