Memleket basshylary Aýǵanstandaǵy jaǵdaı jáne onyń Uıymǵa múshe memleketterdiń qaýipsizdigine tıgizer áseri týraly pikir almasty. Sondaı-aq Ortalyq Azııa aımaǵyndaǵy syn-qaterlerdiń aldyn alýǵa baǵyttalǵan is-qımyldardy talqylady.
Qazaqstan Prezıdenti óz sózinde barlyq syn-qaterlerdi, sonyń ishinde terrorızm men ekstremızmniń taralýy, qarý-jaraq pen esirtkiniń zańsyz saýdasynyń artýy, zańsyz kóshi-qon, bosqyndardyń jappaı qozǵalysy, aımaqqa destrýktıvti elementterdiń enýi sekildi máselelerdi keshendi túrde qarastyrý kerek ekenine nazar aýdardy.
Osyǵan baılanysty Qasym-Jomart Toqaev ujymdyq qaýipsizdik júıesin nyǵaıtýǵa jáne Uıymnyń shuǵyl áreket etýine baǵyttalǵan birqatar usynys aıtty.
Memleket basshysy Aýǵanstandaǵy gýmanıtarlyq jáne azyq-túlik daǵdarysynyń aldyn alý asa mańyzdy ekenin de atap ótti.
UQShU Ujymdyq qaýipsizdik keńesiniń kezekti sessııasy bıyl 16 qyrkúıekte Dýshanbe qalasynda ótedi.
