Oqıǵa • 23 Tamyz, 2021

Almatyda trolleıbýs jerasty ótkeline soǵyldy: oqıǵanyń mán-jaıy anyqtaldy

352 ret

kórsetildi

1 mın

oqý úshin

Almatyda jerasty ótkeline soǵylǵan trolleıbýsqa qatysty oqıǵanyń mán-jaıy belgili boldy, dep habarlaıdy Egemen.kz.

Gaýhar QAPASh

Almatyda trolleıbýs jerasty ótkeline soǵyldy: oqıǵanyń mán-jaıy anyqtaldy

Qoǵamdyq densaýlyq saqtaý departamenti málimetinshe, oqıǵa ornynan jeti adam emes, tórt adam №4 qalalyq klınıkalyq aýrýhanaǵa jetkizilgen.

«Tekserýden keıin olardyń úsheýi bekitilgen jerdegi emhanaǵa ambýlatorlyq emdelýge jiberildi. Jaralanǵandardyń biri mamandandyrylǵan bólimge jatqyzyldy», dedi Qoǵamdyq densaýlyq saqtaý departamentindegiler.

Bul arada áleýmettik jelilerde jol apatyna sebepshi bolǵan tájirıbeden ótip júrgen júrgizýshi ekeni týraly aqparat tarady. Bul týraly jol apatynan zardap shekken áıeldiń jubaıy Vladımır Shaskıh Facebook-paraqshasynda jazdy. Sonymen qatar, ol jedel járdem qyzmeti men №4 qalalyq klınıkalyq aýrýhana jumysyna shaǵymdandy.

«Almatyelektrotrans» júrgizýshiniń jumys tájirıbesi joq degen aqparatty joqqa shyǵaryp, 1959 jylǵy júrgizýshiniń jumys tájirıbesi mol ekenin málimdedi. Biraq ol buryn jumystan shyǵyp, qaıta ornalasqandyqtan stajer statýsyn alǵan. Jol apatynan er adam zardap shekken joq. Uıym basqa máseleler boıynsha áli pikir bildirmedi, sebebi bul is boıynsha tergeý júrgizilip, qylmystyq is qozǵalǵan.